मुख्य समाचार
जेन्डाया र टम हल्यान्ड बने हलिउडमा सबैभन्दा धेरै कमाउने जोडी
जेन्डाया र टम हल्यान्ड बने हलिउडमा सबैभन्दा धेरै कमाउने जोडी

हलिउडमा शक्तिशाली जोडी धेरै छन्, तर यस गर्मी याममा जेन्डाया र टम हल्यान्डले एकैसाथ विश्वव्यापी बक्स अफिसमा कायम गरेको दबदबा फरक देखिएको छ । हलिउडमा दुई कलाकारले एकै समयमा विश्वव्यापी बक्स अफिसमा यसरी प्रभुत्व जमाएको विरलै देखिन्छ ।

टम हल्यान्ड र जेन्डाया अभिनीत ‘स्पाइडर-म्यानः ब्रान्ड न्यूडे’ले उत्तर अमेरिकामा ३५५ मिलियन डलर र विश्वभर ९२७ मिलियन डलरको ओपनिङ गरेको छ । यो ‘एभेन्जर्सः एन्डगेम’ पछि बक्स अफिस इतिहासकै दोस्रो ठूलो विश्वव्यापी ओपनिङ सप्ताहन्त हो ।

अगस्टको बाँकी अवधिमा ठूलो प्रतिस्पर्धी फिल्म नभएकाले ‘स्पाइडर-म्यानः ब्रान्ड न्यु डे’ले प्रदर्शनको पहिलो साताभित्रै विश्वव्यापी कमाइ १ अर्ब डलर पार गर्ने अपेक्षा गरिएको छ । यसको सफलतासँगै क्रिस्टोफर नोलनको ‘द ओडिसी’ले पनि प्रदर्शनको तीन सप्ताहन्तमा विश्वभर ९११ मिलियन डलर कमाएको छ। यस फिल्ममा पनि हल्यान्ड र जेन्डायाले अभिनय गरेका छन् ।

यी दुई फिल्मले उत्तर अमेरिकामा संयुक्त रूपमा करिब ४३० मिलियन डलर कमाउँदै अहिलेसम्मकै सबैभन्दा ठूलो घरेलु बक्स अफिस सप्ताहन्त बनाउन योगदान गरेका छन् । जेन्डायाका लागि यी आँकडाले बलियो वर्षलाई थप उल्लेखनीय बनाएका छन् । ‘द ड्रामा’, ‘द ओडिसी’ र ‘स्पाइडर-म्यानः ब्रान्ड न्यु डे’ गरी उनका फिल्मले विश्वभर करिब २ अर्ब डलर कमाएका छन् ।




जेन्डायाको सन् २०२६ अझै सकिएको छैन । ‘ड्यून पार्ट थ्री’ डिसेम्बरमा प्रदर्शन हुँदैछ । यससँगै उनले यही वर्ष अर्को फ्रेन्चाइजको समापन देख्नेछिन् । ‘युफोरिया’ यस वर्षको पहिलो फ्रेन्चाइज समापन थियो ।

यदि ‘ड्युनःपार्ट थ्री’ले यसअघिका ‘ड्युनः पार्ट वन’को ४१० मिलियन डलर र ‘ड्युनः पार्ट टू’को विश्वव्यापी ७१४ मिलियन डलरको कमाइअनुरूप प्रदर्शन गरेमा जेन्डाया अभिनेत्रीका लागि एकै वर्षमा सर्वाधिक विश्वव्यापी बक्स अफिस कमाइको ब्री लार्सनको सन् २०१९ को कीर्तिमान नजिक पुग्नेछिन् ।

लार्सनले सन् २०१९ मा ‘क्याप्टेन मार्भल’ र ‘एभेन्जर्सः एन्डगेम’मा अभिनय गरेकी थिइन् ।

‘द ओडिसी’मा जेन्डायासँगै अभिनय गरेका बेनी सफ्डी ‘द सुपर मारियो ग्यालेक्सी मुभी’ र ‘द ओडिसी’मा सहायक भूमिकाका कारण यस वर्षको बक्स अफिस प्रतिफलमा शीर्ष स्थानमा छन्, तर जेन्डाया र हल्यान्ड पनि उनीभन्दा धेरै पछाडि छैनन् ।

हल्यान्डले ‘द ओडिसी’ ‘स्पाइडर–म्यानः ब्रान्ड न्यु डे’मार्फत यस वर्ष विश्वव्यापी रूपमा संयुक्त करिब १.८ अर्ब डलरको कमाइ पार गरेका छन् ।

उनी आगामी ‘एभेन्जर्सः डुम्सडे’मा पनि देखिन सक्छन् । पछिल्लो ‘एभेन्जर्स’ फिल्मले अझै विभिन्न आर्थिक कीर्तिमान कायम राखेकाले हल्यान्ड उक्त फिल्ममा देखिए वर्षको अन्त्यअघि उनको बक्स अफिस कमाइ नयाँ उचाइमा पुग्न सक्छ ।

हल्यान्ड र जेन्डायाले करिब एक दशकअघि पहिलोपटक ‘स्पाइडर–म्यानः होमकमिङ’मा सँगै काम गरेका थिए । त्यसयता दुवै फ्रेन्चाइज स्टारबाट फरक किसिमका दर्शकलाई हलसम्म तान्न सक्ने प्रमुख कलाकारका रूपमा विकसित भएका छन् ।



हल्यान्डले यसै वर्ष आफूहरू विवाहित भएको पनि पुष्टि गरेका थिए ।

नोलनको ‘द ओडिसी’ आईम्याक्सका लागि छायांकन गरिएको प्रतिष्ठित ब्लकबस्टर रूपान्तरण हो, जसले सामान्य सुपरहिरो फिल्मका दर्शकभन्दा बाहिरका दर्शकलाई पनि आकर्षित गरेको छ ।

‘स्पाइडर–म्यानः ब्रान्ड न्यु डे’ले भने ‘स्पाइडर–म्यानः नो वे होम’का घटनापछि पिटर पार्करलाई पुनः व्यक्तिगत कथातर्फ फर्काएको छ । फिल्मले सुपरहिरो दृश्यसँगै एक्लोपन र आफ्नो पहिचान त्याग्नुपरेको विषयलाई केन्द्रमा राखेको छ ।

फिल्मले समीक्षकबाट ‘रटन टोमेटोज’मा ९० प्रतिशत स्कोर पाएको छ ।दर्शकले यसलाई ‘सिनेमास्कोर’मा ‘ए’ र ‘रटन टोमेटोज’मा ९८ प्रतिशत दर्शक रेटिङ दिएका छन् । अन्तर्राष्ट्रिय बजारमा ‘स्पाइडर–म्यानः ब्रान्ड न्यु डे’ जेन्डाया र टम हल्यान्डको अहिलेसम्मकै सबैभन्दा सफल फिल्म बनेको छ । फिल्मले सबै प्रमुख बजारमा बलियो प्रदर्शन गरेको छ ।

उत्तर अमेरिकाबाहिर चीनले १२१ मिलियन डलरसहित नेतृत्व गरेको छ । बेलायत, मेक्सिको, दक्षिण कोरिया र भारतमा पनि फिल्मले फ्रेन्चाइजकै उत्कृष्ट वा कीर्तिमान नजिकको ओपनिङ गरेको छ । ‘स्पाइडर–म्यानः ब्रान्ड न्यू डे’को अन्त्यमा स्पाइडर–म्यान पुनः फर्किने सुनिश्चित गरिएको छ । तर उनी आगामी ‘एभेन्जर्सः डुम्सडे’मै फर्किने हुन् वा होइनन् भन्ने पुष्टि भएको छैन ।

‘एभेन्जर्स डुम्सडे’ र ‘डयून पार्ट ३’ एउटै दिन प्रदर्शन हुँदैछन् ।

‘ड्युन पार्ट थ्री’मा टिमोथी चालामेट र जेन्डायासहित थुप्रै चर्चित कलाकारले अभिनय गरेका छन् । जेन्डायाको लामो समयदेखि ढिलाइ भएको ‘श्रेक ५’ पनि सन् २०२७ मा आउँदैछ । जेन्डायाले ‘इन्टरटेनमेन्ट टुनाइट’सँग आफ्ना हालका परियोजना र तिनको प्रचार अभियान सकिएपछि आफू ‘केही समयका लागि हराउने योजना रहेको बताएकी छन् ।

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...