सिमराः रौतहटको देवाही गोनाही नगरपालिका–२ लक्ष्मीनियास्थित लालबकैया नदीमा नुहाउने क्रममा डुबेर तीन जना बालबालिका बेपत्ता भएका छन्। मंगलबार दिउँसो करिब २ बजे नदीमा नुहाउन गएका बालबालिका पानीमा डुबेर बेपत्ता भएका हुन्।
बेपत्ता हनेमा देवाही गोनाही नगरपालिका–२ का शेख अमरे आलमका १० वर्षीय छोरा मोहम्मद रहमतुल्ला, शेख खुरसेदका १० वर्षीया छोरी रौशन खातुन र शेख ओसी अख्तरका १० वर्षीया छोरी सवनम खातुन रहेका छन्।
डुबेर बेपत्ता भएका बालबालिकाको खोजी भइरहेको जिल्ला प्रहरी कार्यालय रौतहटका प्रवक्ता एवम् प्रहरी नायब उपरीक्षक वसन्त गौतमले जानकारी दिए। सशस्त्र प्रहरी सुरक्षा बेस देवाही र इलाका प्रहरी कार्यालय देवाही गोनाहीबाट सुरक्षाकर्मीको टोलीले बालबालिकाको खोजी गरिरहेका छन्।
