: सरकारले सुनसरी र सिरहा जिल्लामा भएका प्रदर्शनका क्रममा मृत्यु भएका व्यक्तिका परिवारलाई क्षतिपूर्ति तथा राहत उपलब्ध गराउने निर्णय गरेको छ। बुधबार बिहान बसेको मन्त्रिपरिषद् बैठकले घटनामा मृत्यु भएका परिवारलाई क्षतिपूर्ति र राहत तथा घाइतेहरूको उपचारको व्यवस्था गर्ने निर्णय गरेको हो।
केही दिनअघि सुनसरी र सिरहामा दुई समूहबीचको झडपमा चारजनाको मृत्यु भएको थियो। सुनसरीको देवानगञ्ज गाउँपालिका–३ कप्तानगञ्ज ओमप्रकाश मेहता,जयप्रकाश मेहता ,रबिन्द्र मेहता र सिरहामा गणेश यादवको मृत्यु भएको हो।
प्रदर्शनका क्रममा प्रहरीको गोली लागेर ओमप्रकाश र गणेशको घटनास्थलमै मृत्यु भएको थियो भने अन्य दुईजनाको उपचारका क्रममा निधन भएको हो।
