: यात्रुबाहक बसले ठक्कर दिँदा चालकसहित कार सुनकोसी नदीमा वेपत्ता भएपछि दोषीमाथि कारबाहीको माग गर्दै मध्य पहाडी राजमार्ग अवरुद्ध गरिएको छ । वेपत्ताका आफन्त र स्थानीयले मध्य पहाडी लोकमार्गअन्तरगत खुर्कोट–घुर्मी सडक खण्डको फिक्कल गाउँपालिका–२ नवलपुरमा मंगलबार बिहानदेखि राजमार्ग अवरुद्ध गराएका हुन ।
राजमार्गमा रुख,ढुंगामुढा राख्नुका साथै स्थानीय टायर बालेर राजमार्ग अबरुद्ध गरेका छन् । फिक्कल गाउँपालिका–२ नवलपुर सामेबार दिउँसो काठमाण्डौंबाट ओखलढुङ्गा तर्फ जाँदै गरेको बागमती प्रदेश ०८–००१ ख ०१४४ नम्बरको बसले बिपरित दिशाबाट खुर्कोटतर्फ आउँदै गरेको प्रदेश ३–०१–०२४च९५७३ नम्बरको कारलाई ठक्कर दिँदा तिनजना यात्रुसहित सुकोसी नदीमा वेपत्ता भएका थिए ।
null
वेपत्ताको मंगलबार बिहानबाट पुनः खोजिकार्य जारि राखिएको भएपनि हालसम्म केही पत्तो लाग्न सकेको छैन । चालकको लापरबाहीका कारण तिव्र गतिमा आएको बसले राजमार्गको छेउमा राकिएको कारलाई ठक्कर दिएको पीडितको आरोप छ । उनीहरूले बसका चालकलाई हदैसम्मको कारबाही,वेपत्ताको खोज तथा उद्धारमा तिव्रता दिन र वेपत्ताका परिवारलाई उचित क्षतिपूर्ति तथा राहात दिनुपर्ने माग गरेका छन् ।
घटना घटेको दुई दिन हुँदासम्म बसका मालिक र बस सञ्चालक समिति सम्पर्कमा नआएको भन्दै उनीहरूलाई वार्तामा झिकाउन समेत पीडित पक्षले माग गरेका छन् । बेपत्ता गोलन्जोर गाउँपालिका -१ का गणेश थापाका काका उमेश कुमार थापाले घटनाको सत्य,तथ्य छानविन गरी दोषीलाई हदैसम्मको कारवाही र पीडित परिवारलाई उचित क्षतिपूर्ति दिनुपर्ने माग गरे । घटना घटे पछि बस धनी र समितिले तत्काल खोजी, उद्धार र राहतमा सहयोग गर्नुपर्नेमा अहिले सम्म सम्पर्कमा नआएको उनको गुनासो छ ।
null
घटनापछि सोमबार साँझ नै पीडित पक्षले केही समय राजमार्ग अवरुद्ध गरेका थिए । तर, स्थानीय प्रशासनले बसका मालिक र समितिलाई वार्तामा बोलाउने प्रतिवद्धता जनाएपछि स्थगन गरिएको थियो । तर मंगलबार बिहान ९ बजेसम्म उनीहरू सम्पर्कमा नआएको भन्दै पीडित पक्षले पुनः राजमार्ग अवरुद्ध गराएका हुन ।
कोसीमा पानीको बहाव उच्च भएकाले र रातिको समय भएपछि स्थगित गरिएको खोजि कार्यलाई मंगलबार बिहानैबाट निरन्तरता दिइएको जिल्ला प्रहरी कार्यालय सिन्धुलीका सूचना अधिकारी (डीसपी) विजय श्रेष्ठले जानकारी दिए ।
बसले ठक्कर दिँदा अनियन्त्रित भई कार सुनकोसी नदीमा खस्दा कारका चालक सिन्धुपाल्चोकका ३९ वर्षीय दिल कुमार लामा, स्काईभेटर चालक सिन्धुली जिल्ला गोलान्जोर गाउँपालिका–१ का अन्दाजी २८ वर्षीय गणेश थापा र स्काभेटरका हेल्फर तिनपाटन गाउँपालिका ९ डाँडाखर्कका १७ वर्षीय सुजन बलम्पाकी मगर नदीमा बेपत्ता छन्।
वेपत्ता लामा मध्यपाहाडी लोकमार्ग निर्माणका ठेकेदार हुन् । उनी सिन्धुपाल्ल्चोकस्थित जुगल गाउँपालिका वडा नम्बर ७ का पूर्ववडाअध्यक्ष समेत हुन्। लामा २०७४ सालमा वडा अध्यक्षमा निर्वाचित भएका थिए । उनीहरू साइडमा काम सकेर खाना खान नवलपुर तर्फ आउने क्रममा दुर्घटना भएको हो।
नेपाली सेना, नेपाल प्रहरी, सशस्त्र प्रहरी खुर्कोट व्यस क्याम्पको गोताखोर टोली, वेपत्ताको आफन्तसहित स्थानीय वेपत्ता कार र यात्रुहरूको खोजिकार्यमा जुटेका छन् । सिन्धुलीका प्रमुख जिल्ला अधिकारी स्किम श्रेष्ठ,प्रहरी प्रमुख विक्रम सिं, फिक्कल गाउँपालिकाका उपाध्यक्ष राजु बराल, गोलन्जोर गाउँपालिका १ का वडा अध्यक्ष सोम प्रसाद बराललगायत समेत घटना स्थलमा पुगेर वेपत्ताको खोजिमा लागिपरेका छन्।
प्रहरीका अनुसार कारलाई ठक्कर दिने बसका चालक फिक्कल गाउँपालिका ६ का वर्ष २६ वर्षीय हेम बहादुर तामाङ र बसलाई नियन्त्रणमा लिएर अनुसन्धान थालेको छ ।
