— पाकिस्तानको गिलगिट–बाल्टिस्तानस्थित ८,०५१ मिटर अग्लो ब्रड पिकमा हिमपहिरोपछि बेपत्ता आरोहीहरूको खोज तथा उद्धार अभियान शनिबार पनि जारी छ । ड्रोनबाट सम्भावित शव देखिएको स्थानमा हेलिकोप्टरमार्फत हवाई टोली र स्थलमार्गबाट ग्राउन्ड टोली परिचालन गरिएको हो ।

शनिबार अपराह्न कान्तिपुरसँग कुरा गर्दै पाकिस्तानस्थित नेपाली राजदूत रिता धितालले ड्रोनबाट शव देखिएका स्थानमा हवाई तथा स्थल दुवै टोली परिचालन गरिएको जानकारी दिइन् । 'पाकिस्तानको स्कार्दुमा रहेका सम्बन्धित अधिकारीबाट प्राप्त जानकारीअनुसार बिहानैदेखि खोजी अभियान पुनः सुरु गरिएको हो,' उनले भनिन् ।

ड्रोनबाट पहिचान गरिएको स्थानमा हेलिकोप्टरमार्फत हवाई उद्धार टोली र स्थलमार्गबाट ग्राउन्ड टोली पठाइएको धितालको भनाइ छ । 'आजको योजना त्यही लोकेसनमा एरियल टिम र ग्राउन्ड टिम दुवैलाई पठाउने भन्ने जानकारी पाकिस्तान अल्पाइन क्लबबाट आएको छ । खोजी अभियान जारी नै छ,' उनले भनिन् ।

ads/1440x233ekantipurcomcombinesummerkv-0462026073435.jpg
शुक्रबार ड्रोनमार्फत घटनास्थलमा थप शव देखिएको जानकारी आएपछि शनिबारको उद्धार अभियान सोही क्षेत्रमा केन्द्रित गरिएको हो ।

उनका अनुसार पाकिस्तानका सुरक्षा निकाय र उद्धार समन्वयकर्ताले पुष्टि भएका विवरण मात्रै नेपाली दूतावासलाई उपलब्ध गराउने गरेका छन् । शनिबार दिउँसोसम्म खोजी अभियान जारी रहे पनि थप आधिकारिक प्रगति प्राप्त नभएको उनले जानकारी दिइन् ।

पाकिस्तानको हिमपहिरो : हेलिकोप्टरबाट ३ शव उठाइयो, ७ को अवस्था अझै अज्ञात
पाकिस्तानको हिमपहिरो : हेलिकोप्टरबाट ३ शव उठाइयो, ७ को अवस्था अझै अज्ञात
ब्रड पिकमा बिहीबार क्याम्प–२ बाट क्याम्प–३ तर्फ उक्लिने क्रममा करिब ६,६०० मिटर उचाइमा हिमपहिरो गएको थियो । उक्त अभियान काराकोरम एक्सपेडिसन्स, इमाजिन क्लाइम्ब पाकिस्तान र ब्लु स्काई ट्रेक एन्ड टुर्सले संयुक्त रूपमा आयोजना गरेका थिए । १० सदस्यीय अन्तर्राष्ट्रिय टोलीमा नेपाल, अमेरिका, ओमान, चीन, पाकिस्तान र बेलायतका पर्वतारोही सहभागी थिए । टोलीमा विश्वप्रसिद्ध नेपाली आरोही निर्मल पुर्जा (निम्सदाइ) सहित ६ नेपाली पर्वतीय गाइड पनि थिए ।

ads/multiple-banner-1-d-1022026052847.jpg
ads/multiple-banner-2-d-1022026052940.jpg
ads/multiple-banner-3-d-1022026053028.jpg
बिहीबार बिहान ९ बजेदेखि टोलीसँग सम्पर्क विच्छेद भएको थियो । त्यसपछि साँझ करिब ८ बजे क्याम्प–२ बाट क्याम्प–३ तर्फ उक्लिँदै गर्दा हिमपहिरो गएको पुष्टि भएको हो ।

पाकिस्तानी अधिकारीहरूका अनुसार हालसम्म तीन जनाको मृत्यु पुष्टि भएको छ । उद्धार टोलीले नेपाली आरोही पुरबहादुर गुरुङ र ओमानकी नधिरा अहमद अब्दुल्लाह अल हार्थीको शव उद्धार गरिसकेको छ । साथै अमेरिकी आरोही सारा म्यालोरीको शरीरका अवशेष फेला परेको पुष्टि भएको छ । शुक्रबार प्रतिकूल मौसम र भारी हिमपातका कारण थप उद्धार रोकिएको थियो ।

यसैबीच, घटनास्थलमा खटिएका नेपाली र चिनियाँ आरोहीहरूले ड्रोनमार्फत थप शव देखिएको जानकारी दिएका छन् ।