: सिरहाको लहान नगरपालिका साक्षर पालिका घोषणा भएका छन् । घोषणामा जिल्लामा पहिलो र मधेस प्रदेशमा चौधौँ पालिका हो ।
मेयर महेश चौधरीका अनुसार स्थायी बसोबास गर्ने १५ वर्ष देखि ६० वर्ष उमेर समहका कुल जनसंख्या मध्ये ९६ प्रतिशत जनसंख्या साक्षर भएको छ । राष्ट्रिय साक्षरताको मापदण्ड अनुसार १५ देखि ६० वर्ष उमेर समहका जनसंख्या ९५ प्रतिशत भन्दा माथी साक्षर भएमा साक्षर नगरपालिका घोषणा गर्न सकिने आधार पुरा भएकोले घोषणा गरिएको छ ।
यसका लागि लहान नगरपालिका नगर साक्षर घोषणा समन्वय समितिको मिति २०८३ असार ८ गतेको सिफारिस तथा मिति २०८३ असार ११ गतेको सम्पन्न १८ औं नगरसभाको निर्णय गरेको थियो । लहान नगरपालिकालाई निरन्तर शिक्षातर्फ उन्मुख गरी पूर्ण साक्षर नगरपालिका बनाउने प्रतिवद्धताका मेयर चौधरीले प्रतिबद्धता जनाएका छन् ।
जनगणना २०७८ अनुसार लहानको जनसंख्या १ लाख २ हजमर ३१ थियो । जसमध्ये ६० हजार ६९० जनसंख्या साक्षर भएको घोषणा गरेका छन् । निरक्षरहरुलाई साक्षर बनाउन विद्यालयका विद्यार्थी, शिक्षकसहित सिकाई केन्द्रलाई लगाएको थियो ।
घोषणा कार्यक्रमका प्रमुख अतिथि मधेस प्रदेश सरकारका शिक्षा तथा संस्कृति मन्त्री मनोज कुमार सिंहले आफू मन्त्री भएपछि पहिलो निर्णय नै प्रदेशलाई साक्षर बनाउने गरेको सुनाए । मधेसमा ३२०० सामुदायिक विद्यालय छन् । जसको लागि शिक्षणमा डिजिटल, छात्रावास, दलितरविपन्न ४ हजार विद्यार्थीहरुलाई खाने बस्नेसहित सुविधा दिईने जानकारी दिए । प्रत्येक कक्षामा शिक्षक हुनलाई ५ सय स्वयंसेवक शिक्षक नियुक्त र अंग्रेजी माध्यममा पढाउने विद्यालयलाई अनुदान दिइने मन्त्री सिंहले बताए ।
