: नेकपा एमालेका अध्यक्ष केपी ओलीले निर्वाचनमा पार्टीले गम्भीर धक्का खाएको भए पनि छिट्टै उठ्ने बताएका छन् । पार्टीको बागमती प्रदेश जागरण अभियानलाई सम्बोधन गर्दै पूर्व प्रधानमन्त्री समेत रहेका अध्यक्ष ओलीले अहिले पार्टीविरुद्ध कुप्रचार भइरहेको भए पनि आक्रमण धक्काहरू सहँदै उद्देश्यतर्फ अगाडि बढिरहेको बताएका छन् ।
उनले भने, ‘हामीले समय–समयमा ठुला धक्काहरू व्यहोरेका छौँ, असफलताहरू पनि भोग्नुपरेको छ । एउटा नदी अगाडि बढ्न प¥यो भने त्यसले कहिले यताको भित्तामा ठोकिँदै, कहिले उताको कुममा ठोकिँदै अगाडि बढ्नु पर्छ । सधैँ सोझो गतिमा, सोझो बाटोमा बिना व्यवधान एउटा नदीले पनि हिँड्न पाउँदैन । हामीलाई रोक्न अनेक व्यवधानहरू आएका हुन्छन्, तर तिनीहरूलाई छिचोल्दै अघि बढ्छौं ।’
उनले थपे, ‘माओत्सेतुङको एउटा भनाइ छ, जसले हिम्मत गर्छ, आँट गर्छ, त्यसले मात्रै बादशाहलाई घोडाबाट झार्न सक्छ । कायरहरूले घोडाबाट बादशाहलाई झार्न सक्दैनन् । हिम्मतिलाहरूले मात्रै संघर्ष अगाडि बढाउन सक्छन् । हिम्मत भनेको सजिला बेलामा त जसले पनि देखाउँछ । अप्ठ्यारो परिस्थिति आयो भने खुट्टा हेर्नुपर्छ, कामेको छ कि छैन त्यतिबेला थाहा हुन्छ ।’
