: फिफा विश्वकप २०२६ अन्तर्गत समूह एच को पहिलो खेलमा केप भर्डे र स्पेनले गोलरहित बराबरी खेलेका छन्।
एट्लान्टा स्टेडियममा भएको खेलमा स्पेनको अट्याकलाई केप भर्डेको उत्कृष्ट डिफेन्स र गोलकिपरले गोलरहित बराबरीमा रोकिन बाध्य बनायो। गोलरहित बराबरी खेल्दै यी दुई टोलीले १–१ अंक बाँडेका हुन्।
विश्वकपको डेब्यू खेल खेलेको केप भर्डेले सन् २०१० को विश्वविजेतालाई गोलरहित बराबरीमा रोक्दै अंक चोरेको हो। पहिलो विश्वकपमा पहिलो अंकसहित केप भर्डेले विश्वकपको सुरुवात गरेको छ।

खेलको पहिलो हाफमा केप भर्डेका अनुभवी गोलकिपर भोजिन्हाले उत्कृष्ट वचावहरु गरे।
दोस्रो हाफको सुरुवाती समयबाट नै स्पेनले दबाब बनायो। जसको फलस्वरुप पनि भोजिन्हाको किपिङ उत्कृष्ट रह्यो।
स्पेनले आक्रमक खेल शैली प्रदर्शन गर्दा खेलको ७० मिनेटसम्म पनि गोल निकाल्न नसक्दा
खेलको ७१ औं मिनेटमा लामिन यमालले वैकल्पिक खेलाडीको रुपमा मैदान प्रवेश गरे। उनले जर्सी नम्बर ९ का गावीलाई प्रतिस्थापन गर्दै मैदान प्रवेश गरेका हुन्।
खेलको ७३ औं मिनेटमा स्पेनको प्रहार पुनः भोजिन्हाको हातमा पर्यो।
खेलको अन्तिम समयमा केप भर्डेले काउन्टर अट्याक्मा २ वटा राम्रो मौका पनि बनायो। तर भर्डे पनि सफल भने हुन सकेन।
अन्तिम समयसम्म पनि केप भर्डेको डिफेन्स उत्कृष्ट रह्यो। जसको फलस्वरुप केप भर्डेले विश्वकपको डेब्यू खेलमा विश्वकप विजेता स्पेनसँग अंक बाँडेको छ।
यी दुईले पहिलो पटक विश्वकपमा एकअर्काको सामना गरिरहेका हुन्।
केप भर्डेको यो पहिलो विश्वकपको खेल हो।
सन् २०१० को विश्वकप विजेता स्पेनले त्यसयता विश्वकपमा सम्झन लायक छवि बनाउन सकेको छैन।