: इजरायलका प्रधानमन्त्री बिन्यामिन नेतन्याहूले बिहीबार सेनालाई गाजाका थप क्षेत्रहरूमा कब्जा गर्न निर्देशन दिएको बताएका छन्।
समाचार एजेन्सी रोयटर्सका अनुसार नेतन्याहूले सुरुवाती लक्ष्य प्यालेस्टाइनी क्षेत्रको ७० प्रतिशत भूभागमा नियन्त्रण कायम गर्नु रहेको बताएका छन्। यो कदमलाई अक्टोबर २०२५ मा इसराइल र हमासबीच भएको युद्धविराम सम्झौताका सर्तहरूको विपरित मानिएको छ।
गाजाको जनसंख्या पहिलेदेखि नै समुद्र तटको किनारमा रहेको एक अत्यन्तै सानो क्षेत्रमा खुम्चिएर बस्न बाध्य छ। अनुमान गरिएअनुसार इसराइलले पहिले नै गाजा पट्टीको झण्डै ६४ प्रतिशत हिस्सामा आफ्नो प्रभावकारी नियन्त्रण कायम गरिसकेको छ।
सन् २०२३ मा दक्षिणी इसराइलमा हमासको आक्रमणपछि सुरु भएको इसराइलको दुई वर्ष लामो सैन्य अभियानका कारण यस सानो तटीय क्षेत्रको ठूलो हिस्सा भग्नावशेष (खण्डहर) मा परिणत भइसकेको छ।
