— हुवावे नेपालले एआईमा आधारित नेटवर्क सञ्चालन प्रणाली ‘एजेन्टिक कम्युनिकेसन नेटवर्क्स’ अवधारणाबारे जानकारी गराएको छ । काठमाडौंमा हालै आयोजित ‘मिनी एमडब्लुसी २०२६’ कार्यक्रममा हुवावेले दूरसञ्चार नेटवर्कलाई थप स्थिर, प्रभावकारी र स्वचालित बनाउन एजेन्टिक कम्युनिकेसन नेटवर्क्स प्रभावकारी हुने उल्लेख गरेको थियो ।
कार्यक्रममा एआई र नयाँ पुस्ताको नेटवर्क प्रविधिबारे छलफल गरिएको कम्पनीले जनाएको छ । हुवावेले ‘नाउ इज योर्स’ नारासहित नेपालमा एआई र दूरसञ्चार व्यवसायलाई जोड्ने रणनीति प्रस्तुत गरेको थियो । कार्यक्रममा हुवावेले एआई फर नेटवर्क्स र नेटवर्क्स फर एआई अवधारणाहरू प्रस्तुत गरेको थियो ।
त्यस्तै, फाइभ-जी एड्भान्स्ड प्रविधि र फाइबर हेल्थकेयर अवधारणाबारे पनि चर्चा गरिएको थियो । कार्यक्रममा एआई केन्द्रित अप्टिकल नेटवर्कबारे कम्पनीका विश्लेषकहरूले प्रस्तुति दिएका थिए । यसले ब्यान्डविथ बढाउने, लेटेन्सी वा विलम्ब घटाउने तथा ऊर्जा खपत कम गर्ने लक्ष्य राखेको कम्पनीले जनाएको छ ।
हुवावेले ‘सिंगल साइट पावर’ र ‘इनर्जी स्टोरेज सिस्टम्स’ समेत प्रस्तुत गरेको थियो । यसले सौर्य ऊर्जा, लिथियम ऊर्जा भण्डारण र दूरसञ्चार उपकरणबीच समन्वय गर्ने विज्ञप्तिमा उल्लेख छ ।
