: इजरायली सेनाले दक्षिणी लेबनानका ठूला क्षेत्रहश्रलाई खाली गर्ने आदेश जारी गरेको छ। सेनाले नयाँ आक्रमणहरू गर्नू अघि यी क्षेत्रहरूलाई 'युद्ध क्षेत्र' घोषणा गरेको छ।
इजरायल डिफेन्स फोर्स (आईडीएफ) ले त्यहाँका नागरिकहरूलाई जहरानी नदीको उत्तरतर्फ जान सुचित गरेको छ । यो नदी इजरायलको सीमाबाट करिब ४० किलोमिटर टाढा रहेको छ । आईडीएफले आफूले अत्यन्तै कडा रूपमा कारबाही गर्ने चेतावनी दिएको छ । जसले हिजबुल्लाहमाथि पटक-पटक युद्धविराम उल्लंघन गरेको आरोप समेत लगाएको छ।
गत अप्रिल १७ मा लागू भएको युद्धविराम यताकै यो सबैभन्दा ठूलो विस्थापन गर्ने आदेश हो, जसले लेबनानको कुल भूभागको करिब १४ प्रतिशत क्षेत्रलाई प्रभावित पारेको छ। यसअघि बुधबार इजरायलले दक्षिणी सहर टायरमा हवाई आक्रमण गरेको थियो।
अर्कोतर्फ, हिजबुल्लाहले पनि इजरायलमाथि नै युद्धविराम उल्लंघन गरेको आरोप लगाएको छ। हिजबुल्लाहले आफ्ना लडाकुहरूको इजरायली सैनिकहरूसँग झडप भएको दाबी गरेको छ।
बुधबार इजरायली प्रधानमन्त्री बेन्जामिन नेतान्याहुले दक्षिणी लेबनानमा तैनाथ सैनिक र उत्तरी इजरायलका नागरिकहरूमाथि हिजबुल्लाहले ड्रोन आक्रमण गरेको बताएका थिए। त्यसलगत्तै उनले आफ्नो स्थल सैन्य अभियानलाई थप विस्तार गर्ने घोषणा गरेका थिए।
