:नेपाल संस्कृत विश्वविद्यालयको कूल सचिवमा प्राध्यापक माधव अधिकारी नियुक्त भएका छन्। उनलाई विश्वविद्यालयको ऎन अनुसार प्रशासनिक नेतृत्वको जिम्मेवारी पुनः प्रदान गरिएको हो।
नवनियुक्त कुलसचिव अधिकारीलाई विश्वविद्यालयमा पदभारग्रहण तथा स्वागत गराइएको छ । कार्यक्रममा विश्वविद्यालयका पदाधिकारी, कर्मचारी तथा शुभेच्छुकहरूको उपस्थिति रहेको थियो।
अधिकारीले विश्वविद्यालयको शैक्षिक,प्रशासनिक तथा अनुसन्धान क्षेत्रको विकासलाई थप प्रभावकारी बनाउने प्रतिबद्धता व्यक्त गरेका छन् । उनी यसअघि पनि यो जिम्मेवारीमा रहेका थिए ।
पुनः नियुक्तिसँगै विश्वविद्यालयको समग्र व्यवस्थापन र शैक्षिक गतिविधि अझ सुदृढ हुने अपेक्षा गरिएको छ। उनकै नेतृत्वमा अतिक्रमित विश्वविद्यालयको जग्गा फिर्ता ल्याउने काम भइरहेको छ ।
