: श्रम सँस्कृति पार्टीका सांसद ध्रुवराज राईले आजको प्रतिनिधिसभा वैठकमा उभौली गीत गाउँदै सरकार खोजेका छन् । प्रतिनिधिसभाको शून्य समयमा बोल्दै सांसद राईले ‘सोइ ढोले, सोई, केन्द्रीय सरकार खोई’ भन्दै गीत गाएका हुन् ।
उनले सांसद राईले चैत १ र २ गते भोजपुरमा हावाहुरीले सर्वसाधरणको घर र विद्यालयको छाना उडाएको विषयमा सदनमा उठाएको भए पनि आजसम्म सुनुवाइ नभएको बताएका थिए । उनले गृहमन्त्रीलाई नै भेटेर भोजपुरको समस्या सुनाएको भए पनि आजसम्म सुनुवाइ नभएकाले उभौलीको शुभकामनासहित अब चाँहि सुनिन्छ कि भनेर फेरि सरकारको ध्यानाकर्ष गराएको बताएका छन् ।
