हमास र इजरायली सेनाले शुक्रबार साँझ गाजा शहरमा इजरायली आक्रमणमा हमासको सैन्य शाखा, कसम ब्रिगेड्सका कमाण्डर इज्जेदिन अल-हद्दाद मारिएको पुष्टि गरेका छन्।
बीबीसी फारसीका अनुसार इजरायलले उनलाई २०२३ अक्टोबर ७ को आक्रमणको योजनाकारमध्ये एकका रूपमा नाम दिएको छ।
इज्जेदिन अल-हद्दादको शनिबार गाजा शहरमा अन्त्येष्टि गरिएको थियो। जसका परिवारका सदस्यहरू पनि अघिल्लो रात इजरायली आक्रमणमा मारिएका थिए। गाजामा काम गर्ने सहायता संस्थाहरूका अनुसार यी आक्रमणहरूमा कम्तीमा ७ जनाको मृत्यु भएको छ भने दर्जनौं घाइते भएका छन्।
गत वर्ष अक्टोबरदेखि यस क्षेत्रमा युद्धविराम लागू भए पनि इजरायली सरकारले हमासका सदस्यहरूलाई लक्षित गर्ने अधिकार अझै पनि सुरक्षित रहेको बताएको छ।
२०२३ अक्टोबर ७ मा प्यालेस्टिनी अतिवादी संगठन हमासले गाजा पट्टीबाट इजरायलमाथि आक्रमण सुरु गर्यो। यस आक्रमणमा लगभग १ हजार २०० जना मारिए। जसमा धेरैजसो इजरायलीहरू थिए। हमासले २५१ जनालाई बन्धक पनि बनायो।
