: संस्कृति, पर्यटन तथा नागरिक उड्डयन मन्त्रालयले नेपाल वायुसेवा निगमको रिक्त सञ्चालक सदस्य पदमा ५ जनालाई नियुक्त गरेको छ। मन्त्रालयले शुक्रबार एक सूचना जारी गर्दै खुला प्रतिस्पर्धाबाट छनोट भएका उम्मेदवारहरूलाई ७ दिनभित्र नियुक्ति बुझ्न उपस्थित हुन आह्वान गरेको हो।
नेपाल वायुसेवा निगम ऐन, २०१९ को दफा ४ बमोजिम गठित छनोट समितिको सिफारिसका आधारमा मन्त्रीस्तरीय निर्णयबाट उनीहरूलाई नियुक्त गरिएको मन्त्रालयले जनाएको छ।
गत वैशाख १२ गते गोरखापत्रमा प्रकाशित सूचनाअनुसार आवेदन दिएका २७ जना उम्मेदवारहरूमध्येबाट शैक्षिक योग्यता, अनुभव, व्यावसायिक कार्ययोजनाको प्रस्तुतिकरण र अन्तर्वार्ताका आधारमा योग्यताक्रमअनुसार ५ जनाको नाम छनोट गरिएको हो।
नियुक्त भएका सञ्चालक सदस्यहरूमा डा दिपक प्रसाद बास्तोला,प्रविन भट्टराई, महेश्वर भक्त श्रेष्ठ ,रुपा लामिछाने, लिलाराज ढकाल रहेका छन् ।
