: शिवराज नगरपालिका-३ मदवामा करेन्ट लागेर एक जनाको मृत्यु भएको छ। पाल्पा घर भएका पञ्चकन्या जेबिएम केबुल नेट चन्द्रौटामा कार्यरत ३२ वर्षीय लेखु थापाको करेन्ट लागेर बिहीबार बिहान मृत्यु भएको हो।
जिल्ला प्रहरी कार्यालयका अनुसार सोही नगरपालिका-३ खरेन्द्रपुर बस्ने प्रेम नारायण खनालको घरमा नेट बनाउने क्रममा करेन्ट लागेर गम्भीर घाइते भएका उनको लुम्बिनी सिटी अस्पताल बुटवलमा थप उपचारको क्रममा मृत्यु भएको हो।
यस सम्बन्धमा थप अनुसन्धान भइरहेको प्रहरीले जनाएको छ।
