। बर्दिया राष्ट्रिय निकुञ्जमा यात्रुवाहक बस दुर्घटनामा परेको छ ।
सोमबार दिउँसो काठमाडौँबाट धनगढी आइरहेको खप्तड बडीमालिका यातायातको ना ८ख १९४९ नम्बरको बस निकुञ्जमा दुर्घटना भएको प्रहरीले जनाएको छ ।
दुर्घटनामा परेर चालकसहित १८ जना घाइते भएका छन् । इलाका प्रहरी कार्यालय चिसापानीकी प्रमुख प्रहरी निरीक्षक मिरा खड्काले चालकसहित १८ जना घाइते भएको पुष्टि गरिन् । उनीहरु मध्ये दुई जनाको अवस्था गम्भीर छ ।
गम्भीर घाइते भएका दुवै जनालाई लालरत्न अस्पताल लम्कीले थप उपचारका लागि नेपालगञ्ज रेफर गरेको छ ।
१६ जनाको लालरत्नमै उपचार भइरहेको छ । बसमा के कति यात्रु सवार थिए भन्ने कुरा यकिन भएको छैन ।
दुर्घटनाग्रस्त बस बीच सडकमै पल्टिएका कारण सडक सवारीसाधनको आवागमन बन्द भएको छ । बसलाई हटाउने प्रयास भइरहेको छ भने दुर्घटनाको कारण खुल्न नखुलेको प्रहरीले जनाएको छ ।
