: जर्मनीको बर्लिनस्थित नेपाली दूतावासले युक्रेन भ्रमण नगर्न र त्यहाँ भएकालाई तुरुन्त नेपाल फर्किन आग्रह गरेको छ । बर्लिनस्थित नेपाली दूतावासले एक विज्ञप्ती जारी गर्दै रुस र युक्रेनबीचको पछिल्लो घटनाक्रमलाई मध्यनजर गर्दै युक्रेन भ्रमणमा जान लागेका नेपालीलाई अर्को सूचना नभएसम्म भ्रमण स्थगित गर्न र युक्रेनमा रहेका नेपालीलाई यथाशिघ्र सकुशल नेपाल फर्किन आग्रह गरेको हो ।
दूतावासले युक्रेनमा रहेका कोही नेपाली नागरिकलाई सहयोग आवश्यक परे बर्लिन दूतावासका प्रथम सचिव रञ्जन यादवको ह्वाट्एप नम्बर +४९१७६२६७४१२०७ मा सम्पर्क गर्न समेत आग्रह गरेको छ ।
