: इजरायली सेनाले आइतबार दक्षिणी लेबनानका बासिन्दाहरूलाई आफ्नो घर तुरुन्त खाली चेतावनी दिएको छ । इजरायली सेनाले उनीहरूलाई कम्तीमा १००० मिटर टाढा खुला क्षेत्रमा जान चेतावनी दिएको हो ।
सेनाले दक्षिणी लेबनानका ११ वटा शहर र गाउँहरूमा आक्रमण गर्ने बताएको छ । बेलायती पत्रिका ‘द इन्डिपेन्डेन्ट’ का अनुसार सेनाले यो कारबाही हिजबुल्लाहविरुद्ध भएको दाबी गरेको छ । सेनाको भनाइअनुसार हिजबुल्लाहले युद्धविराम सम्झौता उल्लंघन गरेको कारण यो कारबाही गरिएको हो । जोकोही हिजबुल्लाहका लडाकुहरू वा उनीहरूको ठेगानाको नजिक भेटिन्छ, उसलाई खतरा हुन सक्ने सेनाले चेतावनी दिएको छ ।
इजरायलले निरन्तर दक्षिणी लेबनानमा हवाई आक्रमण गरिरहेको छ । उसको सेना देशको दक्षिणी भागमा जमिन समेत कब्जामा राखिरहेको छ । सेनाले धेरै भवनहरू ध्वस्त पारेको छ, जसलाई उसले हिजबुल्लाहको संरचना भएको दाबी गर्छ । इरान समर्थित यो सशस्त्र समूहले पनि लेबनान र उत्तरी इजरायलमा इजरायली सेनामाथि ड्रोन र क्षेप्यास्त्र आक्रमण गरिरहेको छ ।
