: कामु प्रधानन्यायाधीश सपना प्रधान मल्लले कानुन व्यवसायीहरू निष्पक्षतामा बढी विश्वास राख्ने बताएकी छन्। बाह्रखरी मिडियाले गोकर्ण गल्फ कोर्समा शनिबार् आयोजना गरेको कार्यक्रममा उनले गल्फमा अझ बढी अनुशासन र निष्पक्षता देखिएको बताइन्।
'कानुन व्यवसायी र न्यायाधीश भएको नाताले हामीले सधैं निष्पक्षताको कुरा उठाउँदै आएका छौं। जहाँ पनि 'फेयरनेस'को कुरा गर्छौं। तर, गल्फ कोर्समा पाइला टेक्दा सबैभन्दा ठूलो निष्पक्षताको अभ्यास त यहाँ हुँदो रहेछ भन्ने लाग्यो,' उनले भनिन्।
गल्ती लुकाउने ठाउँ हुँदाहुँदै पनि गल्फका खेलाडीहरूले निष्पक्षताका विषयमा ठूलो अभ्यास गरिरहेको उनले बताइन्। उनले गल्फमा गल्तीमाथि गल्ती गर्ने प्रतिस्पर्धा पनि नहुने स्पष्ट पारिन्। 'गल्फमा गल्तीमाथि गल्तीको प्रतिस्थापन गर्ने प्रतिस्पर्धा हुँदैन। मान्छेलाई प्रतिशोध लिने प्रतिस्पर्धा पनि हुँदैन। स्वस्थ प्रतिस्पर्धा हुन्छ,' उनले भनिन्।
उनले गल्फका हरेक खेलाडीहरूमा संयमता र अनुशासन देखिएको बताइन्। उनले अहिले देशमा प्रताड्ना दिने अभिव्यक्ति भन्दा पनि स्वस्थ प्रतिक्रियासहित अगाडि बढ्नुपर्ने बताइन्।
