: छैटौं बीच एसियन गेम्स २०२६ सम्पन्न भएको छ। चीनको हाइनाइ प्रदेशको सान्यामा भएको यस प्रतियोगितामा नेपालले एक कास्यसहित प्रतियोगिता सकाएको छ।
यस प्रतियोगितामा नेपालबाट २ खेलले सहभागिता जनाएका थिए। बीच महिला कबड्डीले कास्य पदक जितेको हो। बीच रेस्लिङमा भने नेपालका खेलाडी नकआउट चरणबाटै बाहिएको हो।
पदक तालिकामा आयोजक चीन सबैभन्दा माथि छ। चीनले २४ वटा स्वर्णपदक १८ रजत र १३ वटा काश्य सहित जम्मा ५५ पदक जितेको छ। दोस्रो स्थानमा थाइल्याण्ड र तेस्रो स्थानमा इरान रहेको छ। दोस्रो स्थानमा रहेको थाइल्याण्डले कुल २८ वटा पदक जितेको छ। जसमा १० स्वर्ण, ९ रजत र ९ कास्य रहेको छ।
तेस्रो स्थानमा रहेको इरानले कुल १० पदक जितेको छ जसमा ९ स्वर्ण पदक रहेको छ भने १ रजत पदक रहेको छ। पदक तालिकामा चौथो स्थानमा भियतनाम, पाँचौं स्थानमा फिलिपिन्स, छैटौं स्थानमा भारत, सातौं स्थानमा युएई, आठौं स्थानमा कतार, नवौं स्थानमा कोरिया र दशौं स्थानमा श्रीलंका रहेको छ। यस प्रतियोगितामा १४ खेलको ६२ वटा इभेन्टमा ४५ राष्ट्रका १ हजार ८ सयभन्दा बढी खेलाडीले सहभागिता जनाएका थिए।
सातौं बीच एसियन गेम्स २०२८ मा फिलपिन्समा हुनेछ। प्रतियोगिताको समापन समारोहमा ओलम्पिक काउन्सिल अफ एसिया (ओसीए)का अध्यक्ष जोन बीन अहमद अलथानीले फिलिपिन्स ओलम्पिक कमिटीका अध्यक्ष अब्राहम तोलेन्तिनोलाई ओसीएको झन्डा हस्तान्तरण गरेका हुन्।
