: अमेरिकी राष्ट्रपति डोनाल्ड ट्रम्पका विशेष दूत सर्जियो गोर काठमाडौं आइपुगेका छन्। दक्षिण तथा मध्य एसिया मामिला हेर्ने गोर बिहीबार साँझ काठमाडौं आइपुगेका हुन्।
भारतका लागि अमेरिकी राजदूतसमेत रहेका उनी नेपाल एयरलायन्सको उडान नं २१८ बाट काठमाडौं आएका हुन्। गोरलाई नेपालका लागि अमेरिकाका कार्यवाहक राजदूत स्कट अर्बमलगायत अधिकारीहरूले स्वागत गरेका थिए।
काठमाडौंमा उनले परराष्ट्रमन्त्री शिशिर खनाललगायतसँग भेटवार्ता गर्ने कार्यक्रम छ। परराष्ट्र मन्त्रालयका अनुसार मन्त्री खनालसँग गोरको भेट हुने तय भएको हो। सगरमाथा क्षेत्रको भ्रमणपछि शनिबार उनी भारत फर्किने परराष्ट्र मन्त्रालयले जनाएको छ।
