: स्पेनमा बसोबास गर्दै आएका नेपालीहरुले स्थायी बसोबासका लागि कानुनी कागजात बनाउन थप झण्झट व्यहोर्नु पर्ने भएको छ । काठमाडौंस्थित स्पेनको मानार्थ वाणिज्य दूतावासले युरोपेली संघ तथा परराष्ट्र मन्त्रालयबाट प्राप्त निर्देशन अनुसार नेपालीहरुको कागजातहरुमा रहेका हस्ताक्षरहरुलाई कानुनीकरण (लिगलाइनजेसन) गर्ने अधिकार र जिम्मेवारी तत्कालका लागि खारेज गरेको छ । मानार्थ वाणिज्य दूतावासले अब उक्त काम भारतको दिल्लीस्थित स्पेनी दूतावासले हेर्ने जानकारी गराएको छ ।
आवेदकबाट पेस गरिने नेपाली सरकारी निकायद्वारा जारी गरिएका कागजातहरुको कानुनीकरणका लागि दिल्लीस्थित स्पेनी दूतावासको कन्सुलर शाखामा पठाउन समेत काठमाडौं बत्तिसपुतलीस्थित वाणिज्य दूतावासले जानकारी गराएको छ ।
