। प्रतिनिधिसभाको कार्यव्यवस्था परामर्श समिति सदस्यको संख्या घटाइएको छ ।
हाल यो समिति २१ सदस्यीयसम्म हुन सक्ने प्रावधान छ । यसलाई बदलेर प्रतिनिधिसभा नियमावली मस्यौदा समितिले कार्यव्यवस्था परामर्श समिति १५ सदस्यीय हुने बनाएको छ ।
बैठकमा पेस हुने विषयको प्राथमिकता तथा समयावधिको निर्धारणलगायत बैठकलाई सुव्यवस्थित ढंगले सञ्चालन गर्न यो समिति गठन गर्ने गरिएको छ ।
सभामुखले आवश्यक ठहर्याएको अन्य विषयमा समेत परामर्श दिन सभामुखको अध्यक्षतामा प्रतिनिधिसभामा रहेको दलीय प्रतिनिधित्वको आधारमा पदेन सदस्य बाहेक बढीमा १५ जना सदस्य रहेको एक कार्यव्यवस्था परामर्श समिति गठन गर्न सकिने प्रावधान राखिएको छ ।
यो समितिमा उपसभामुख पदेन उपाध्यक्ष र संसदीय मामिला मन्त्री पदेन सदस्य हुनेछन् ।
