: पछिल्लो समयमा अप्रत्याशित रूपमा भएको मूल्य वृद्धिका कारण निर्माण व्यवसायी माथि संकट परेको भन्दै कन्स्ट्रक्सन होलिडे गर्ने चेतावनी दिएका छन्। सोमबार जिल्ला प्रशासन कार्यालयमार्फत ज्ञापनपत्र बुझाउँदै निर्माण व्यवसायी संघले कन्स्ट्रक्सन होलिडे गर्ने चेतावनी दिएको हो।
मूल्य वृद्धिका कारण निर्माण व्यवसायी माथि परेको संकटका बारेमा सम्बोधन गर्न संघले माग गरेको छ। पछिल्लो समय निर्माण सामग्री तथा इन्धनको अस्वाभाविक मूल्य वृद्धिका कारण निर्माण क्षेत्र गम्भीर संकटमा परेको संघले जनाएको छ।
संघका अनुसार पछिल्लो समय डिजेल, पेट्रोल, मट्टितेल लगायत इन्धनको मूल्य निरन्तर बढ्नुका साथै सिमेन्ट, छड लगायतका निर्माण सामग्रीको मूल्य ४० प्रतिशतदेखि १२० प्रतिशतसम्म बढेको छ।
