: बसन्त शाही र कलाम अली नेपाली राष्ट्रिय क्रिकेट टिमको सहायक प्रशिक्षकको रुपमा नियुक्त भएका छन् । नेपाल क्रिकेट संघ (क्यान) ले आउँदै गरेको प्रतियोगिताको लहर अगाडि दुई जना घरेलु प्रशिक्षकलाई राष्ट्रिय टिमको सहायक प्रशिक्षकको जिम्मेवारी दिएको हो । बसन्त शाहीले यसअघि पनि मोन्टी देशाईको प्रशिक्षणमा राष्ट्रिय टिमको सहायक प्रशिक्षकको भूमिका निर्वाह गरिसकेका छन् ।
उनी पछिल्लो समय लुम्बिनी प्रदेशमा आवद्ध भएर काम गरिरहेका थिए । कलाम अलीले नेपालको ‘ए’ को सहायक प्रशिक्षकको रुपमा काम गरिसकेका छन् । उनी बामगती प्रदेशमा पनि प्रशिक्षकको रुपमा रहेका थिए । उनी नेपाल प्रिमियर लिगमा चितवन राइनोजको प्रशिक्षकको रुपमा कार्यरत रहेका थिए ।
