: प्रधानमन्त्री कपको लिग चरणको खेल सकिँदा जय ट्रफी खेल्ने ६ टोलीको टुंगो लागेको छ । नेपाल क्रिकेट संघ (क्यान) ले २०८३ को जय ट्रफी इलिट कपमा प्रधानमन्त्री कप एक दिवसीय प्रतियोगिताको शीर्ष ६ टोलीले खेल्ने निर्णय गरेको थियो ।
जसअनुसार प्रधानमन्त्री कप २०८२÷८३ को लिग चरणको खेल सकिँदा शीर्ष ६ टोलीको पनि टुंगो लागेको हो । जसमा ३ विभागीय टोली र ३ प्रदेशका टोली रहेका छन् । जसमा त्रिभुवन आर्मी क्लब, नेपाल पुलिस क्लब र एपिएफ क्लबसँगै सुदूरपश्चिम प्रदेश, मधेश प्रदेश र लुम्बिनी प्रदेशले जय ट्रफी इलिट कप खेल्ने छन् ।
जारी संस्करणको फाइनल खेल त्रिभुवन आर्मी क्लबले सुदूरपश्चिम प्रदेशसँग खेल्ने छ । अपराजित रहँदै शीर्ष स्थानमा रहेको आर्मीले आठौं पटक फाइनल खेल्दैछ । सुदूरपश्चिम प्रदेश प्रदेशिक टोलीहरुमा पहिलो पटक प्रधानमन्त्री कपको फाइनल खेल्दैछ । यी दुई टोलीले फाइनल खेल बैशाख ४ मा खेल्ने छन् ।
पहिलो संस्करणको जय ट्रफीमा त्रिभुवन आर्मी क्लब, नेपाल पुलिस क्लब, मधेश प्रदेश र बागमती प्रदेशले खेलेका थिए । दोस्रो संस्करणमा आर्मी, पुलिस र बागमतीसँगै एपिएफले जय ट्रफी खेलेको थियो । तेस्रो संस्करणमा बागमती बाहिरिँदा, लुम्बिनी प्रदेश र सुदूरपश्चिम प्रदेशले पहिलो पटक बहुदिवसीय जय ट्रफी खेल्ने छन् ।
