: काठमाडौंस्थित अमेरिकी दूतावासले ‘युवा परिषद् नेपाल’ (युएसवाइसी) २०२६ सत्रका लागि आवेदन आह्वान गरेको छ। दूतावासले २० देखि ३० वर्ष उमेर समूहका विद्यार्थी तथा प्रारम्भिक करिअरमा रहेका युवाहरूलाई लक्षित गर्दै आवेदन खुलाएको हो।
दूतावासका अनुसार ‘स्किल, बिल्ड, लन्च’ नारासहित सञ्चालन हुने यस कार्यक्रममार्फत नेतृत्व विकास, व्यावहारिक सीप अभिवृद्धि तथा पेशागत क्षमता विकासमा जोड दिइनेछ। सहभागी युवाहरूलाई व्यवसायिक सञ्चार, डिजिटल मार्केटिङ तथा व्यक्तिगत ब्रान्डिङ, रोजगारी खोज रणनीति, लिंक्डइन अप्टिमाइजेसन र एआई सहयोगमा बायोडाटा निर्माणजस्ता सीपहरूमा तालिम प्रदान गरिनेछ।
विगत १४ वर्षदेखि सञ्चालन हुँदै आएको यस कार्यक्रममार्फत नेपालभरका ७०० भन्दा बढी युवाहरू लाभान्वित भइसकेका छन्। कार्यक्रमले युवाहरूलाई समुदायमा सकारात्मक योगदान दिन, पेशागत नेटवर्क विस्तार गर्न तथा उद्योग क्षेत्रका विज्ञहरूसँग सहकार्य गर्ने अवसर प्रदान गर्ने दूतावासले जनाएको छ। आवेदन दिने अन्तिम म्याद २०२६ मे ५ तोकिएको छ। इच्छुकहरूले युएसवाईसीको आधिकारिक वेबसाइटमार्फत आवेदन दिन सक्नेछन्।
