: नेपाल क्रिकेट संघ (क्यान)लाई नेपाल प्रिमियर लिगको दोस्रो संस्करणबाट साढे तीन गुणा बढी आम्दानी भएको छ। दोस्रो सिजनमा क्यानले ९ करोड बढी आम्दानी गरेको हो।
क्यानको सोमबार बसेको बोर्ड बैठकले ९ करोड २१ लाख २१ हजार ९३५ रुपैयाँ आम्दानी पारित गरेको प्रवक्ता छुम्बी लामाले जानकारी दिए। पहिलो सिजमा क्यानले २ करोड ४६ लाख आम्दानी गरेको थियो।
एनपीएलको दोस्रो सिजनमा क्यानले ४७ करोड ३६ लाखको आम्दानी गरेकोमा २१ करोड ९६ लाख खर्च गरेको थियो। बाँकी रहेको २५ करोड ३९ लाखबाट एनपीएलका ८ टिमलाई कूल १६ करोड १८ लाख ७३ हजार ५ सय वितरण गरिएको थियो। सबै खर्च कटाउँदा क्यानलाई ९ करोड २१ लाख २१ हजार ९३५ रुपैयाँ खुद नाफा भएको हो।
पहिलो सिजनमा क्यानले २७ करोड ६९ लाख आम्दानी गरेको थियो भने २० करोड १५ लाख खर्च गरेको थियो। बाँकी रकमबाट ८ टिमलाई ४ करोड ३७ लाख वितरण गरेको थियो।
