: म्यानचेस्टर युनाइटेडका पूर्व कप्तान ह्यारी म्यागुएरले क्लबसँग एक वर्षको सम्झौता नवीकरण गरेका छन् । ३३ वर्षीय सेन्टर डिफेन्डरको यो सिजनको अन्त्यसँगै उनको हालको सम्झौता सकिने थियो ।
त्यसअघि नै उनले एक वर्ष थप गरेका हुन् । उक्त हाल गरेको सम्झौतामा थप एक वर्ष अझ लम्बाउन मिल्ने उल्लेख गरिएको छ । म्यागुएर सन् २०१९ मा लेस्टर सिटीबाट ८० मिलियन पाउन्डमा म्यानचेस्टर युनाइटेडमा अनुबन्ध भएका थिए । उनले युनाइटेडका लागि २६६ खेल खेलेका छन् । २०२२ /२३ मा एएफ कप जितेका थिए ।
क्लबसँगको सम्झौता लम्बाएपछि उनले भने, ‘म्यानचेस्टर युनाइटेडमा खेल्नु मेरा लागि सौभाग्यको विषय हो । यो म र मेरो परिवारको लागि गौरवान्वित विषय हो ।’ म्यागुएर भन्छन्, ‘म यो क्लबसँगको सम्झौता बढाउन पाउँदा निकै खुशी छु । यहाँको वातावरण यहाँका सामर्थकको अगाडि खेल्न र यादगार क्षणहरु बनाउन म निकै उत्साहित छु ।’
उनले क्लवमा केही नराम्रा क्षणहरु पनि बिताए । पहिलो रोजाइमा खेल्न गर्नुपर्ने संघर्ष । पूर्व प्रशिक्षक एरिक टेन हेगले उनलाई कप्तानबाट हटाउँदा उनले क्लब छोड्ने कुराहरु पनि फैलिएका थिए । उनले वेस्ट ह्यामसँग सम्झौता गरेका थिए तर त्यो सफल भने हुन सकेन । उनले अन्तरिम प्रशिक्षक माइकल केरिकको नेतृत्वमा करिअरमा राम्रो कमब्याक गरेका हुन् । गत जनवरी पश्चात उनले प्रायः खेलमा सुरुवाती रोजाइमा स्थान बनाएका छन् । उनले भने, ‘यो क्लबमा हरेक खेलाडी महत्वकांक्षी छन् । यो टिम धेरैभन्दा धेरै उपाधि जित्न चाहन्छ । हाम्रो राम्रो समय अझै आउन बाँकी नै छ ।’
