: मध्यपूर्वमा जारी द्वन्द्वका कारण सामान्य जनजीवनसँग सम्बन्धित आधारभूत पूर्वाधारहरूलाई पनि निशाना बनाइँदैछ । इजरायलले मंगलबार इरानी सर्वसाधरणलाई रेल यात्रा नगर्न चेतावनी दिएको छ ।
इरानको माशहदका गभर्नरले भने, ‘देशको रेलमार्गमा इजरायलको तर्फबाट अनैतिक आक्रमणको चेतावनीका कारण र सतर्कताका लागि माशहद रेलको सबै सेवाहरू अर्को सूचना नआउँदासम्म रद्द गरिएका छन् ।’
इरानी मिडियाका रिपोर्ट अनुसार गभर्नर हसन हुसैनीले भनेका छन्, ‘अत्यावश्यक यात्रा गर्नुपर्नेका सडक यातायातको आवश्यक व्यवस्था गरिसकिएको छ ।’ उनीहरूले यस व्यवस्थाबारे अरु विस्तृत जानकारी दिएका छैनन् । यसअघि इजरायल डिफेन्स फोर्सेसले इरानका जनतालाई आज रेल प्रयोग नगर्न चेतावनी दिएका थिए ।
इजरायल डिफेन्स फोर्सेसको फारसी सामाजिक सञ्जालमा भनिएको छ, ‘इरानीहरूले आफ्नो सुरक्षाका लागि देशभर राति ९ बजेसम्म (इरानी समय) रेल प्रयोग नगर्नुहोस् र यात्रा नगर्नुहोस् ।’ पोस्टमा थप भनिएको छ, ‘रेलभित्र बस्नु वा रेलमार्गको नजिक जानु तपाईंको जीवनलाई जोखिममा पार्न सक्छ ।’
इरानका केही क्षेत्र जसमा तेहरानको दक्षिणी भाग पनि समावेश छ ।
रेलका पटरीहरू आवासीय क्षेत्रको नजिक पर्छन् । यसबीच अमेरिकी राष्ट्रपति डोनाल्ड ट्रम्पले इरानलाई हर्मुज स्ट्रेट खोल्न दिएको समय सीमा २४ घण्टाभन्दा कम समयमा सकिँदैछ । अमेरिकाले इरानका पुलसहितका पूर्वाधारलाई निशाना बनाइने धम्की दिएको छ ।
