: नेपाली कांग्रेसको १५औं महाधिवेशनमा कंग्रेस आइडी भएकाले मात्र भाग लिन पाउने भएका छन्।
महाधिवेशनको तयारी स्वरुप आजदेखि तयारी सुरु गरेको कांग्रेसले कंग्रेस आइडी पाउने व्यक्तिले मात्र महाधिवेशनमा भाग लिन पाउने व्यवस्था गरेको जनाएको छ। ‘कंग्रेस आइडी नभएको अवस्थामा पुरानो सदस्यता अद्यावधिक भएको मानिँदैन। आइडी नभएको व्यक्तिले महाधिवेशनमा भाग लिने अवस्था हुँदैन। यो कसलाई दिने नदिने भन्ने होइन। प्रक्रियामा आएका सबैको अद्यावधिक तथा नवीकरण गर्ने स्थिति हुन्छ’, महामन्त्री प्रदीप पौडेलले भने।
यसका लागि वैशाख महिनाभर क्रियाशील सदस्यताको अद्यावधिक, नयाँ सदस्यता प्रदान लगायतका कार्य गरिने छ। सदस्यता अभियान सञ्चालनका लागि ७७ वटै जिल्लामा प्रतिनिधि तोकिएको छ।
आज कांग्रेसले महाधिवेशनका लागि निर्वाचन क्षेत्रमा खटिने केन्द्रीय प्रतिनिधिहरूका लागि अभिमुखीकरण कार्यक्रम आयोजना गरेको थियो।
