। काठमाडौं जिल्ला अदालतले निर्वाचनको समयमा निर्वाचन अधिकृतका लागि प्रदान गरिएको गाडी फिर्ता गर्ने प्रक्रियामा रहेको जनाएको छ ।
बुधबार अनलाइखबरमा ‘काठमाडौं, ललितपुर र चितवनका निर्वाचन अधिकृतले फिर्ता गरेनन् गाडी‘ शीर्षकमा समाचार प्रकाशन भएको थियो ।
सोही समाचारप्रति काठमाडौं जिल्ला अदालतले ध्यानाकर्षण भएको जनाएको हो ।
‘मिति ०८२/५/२३ गतेको जेनजी आन्दोलनका क्रममा यस अदालतका गाडीहरू जलेर नष्ट भएको र तत्काल यस अदालतमा सवारी साधनको आवश्यक भएको कारणले सो सवारी साधन यस अदालतको प्रयोजनका लागि हस्तान्तरणको प्रक्रियामा रहेको’ अदालतले ध्यानाकर्षण पत्रमा उल्लेख गरेको छ ।
