। दक्षिण अफ्रिकी क्रिकेटर रासी भान डेर डुसेनले अन्तर्राष्ट्रिय क्रिकेटबाट सन्यास घोषणा गरेका छन्। ३७ वर्षीय डुसेनले सन् २०१८ देखि २०२५ सम्म दक्षिण अफ्रिकाका लागि खेल्दै करियर टुंग्याएका हुन्।
२९ वर्षको उमेरमा डेब्यू गरेका डुसेन ‘लेट ब्लूमर’का रूपमा चिनिन्थे र विशेषगरी एकदिवसीय तथा टी–२० टोलीका भरपर्दा खेलाडी बने। उनले करिब ५,००० अन्तर्राष्ट्रिय रन बनाएका छन्।
उनले १८ टेस्ट, ७१ एकदिवसीय र ५७ टी–२० अन्तर्राष्ट्रिय खेलेका छन्। एकदिवसीयमा उनले ६ शतक प्रहार गरेका छन् र उनको औसत ५० भन्दा माथि रहेको छ, जुन दक्षिण अफ्रिकाका उत्कृष्टमध्ये एक हो।
सन् २०२१ मा उनले पाकिस्तानविरुद्ध १२३* रन बनाउँदै ३२ वर्षको उमेरमा पहिलो एकदिवसीय शतक प्रहार गर्ने दक्षिण अफ्रिकाका सबैभन्दा पाका खेलाडी बनेका थिए।
उनको अन्तिम ठूला प्रतियोगिता २०२५ को च्याम्पियन्स ट्रफी थियो, जहाँ उनले उत्कृष्ट प्रदर्शन गरेका थिए।
यस सिजनका लागि क्रिकेट बोर्डले उनलाई केन्द्रीय सम्झौतामा नराखेपछि सन्यास लिएका हुन्।
उनी घरेलु र फ्रेन्चाइज क्रिकेटमा भने खेलिरहनेछन्।
