: गृह मन्त्रालयले विवादास्पद् व्यवसायी दीपक भट्टलाई कालोसूचीमा राख्ने निर्णय गरेको छ। उनीमाथि सम्पत्ति शुद्धीकरणको छानबिन भइरहेको छ।
सम्पत्ति शुद्धीकरण अनुसन्धान विभागको अनुरोधमा व्यवसायी भट्टलाई गृह मन्त्रालयले कालोसूचीमा राख्ने निर्णय गरेको हो।
गृह मन्त्रालयले भट्टको विवरण कालोसूचीमा राख्न अध्यागमन विभागलाई पत्राचार गरेको छ। अध्यागमन विभागले भट्टको सम्पूर्ण विवरण त्रिभुवन अन्तर्राष्ट्रिय विमानस्थलस्थित अध्यागमन कार्यालयलाई पठाएको छ। उनको 00---91 नम्बरको राहदानी कालोसूचीमा राखिएको छ।
स्रोतका अनुसार भट्टको नाम कालोसूचीमा राख्ने निर्णयसँगै उनी सहजै त्रिभुवन अन्तर्राष्ट्रिय विमानस्थलस्थित अध्यागमन कार्यालय लगायत नेपालका अन्य अध्यागमन नाकाहरूबाट आवात-जावत गर्न पाउने छैनन्। उनी झन्डै दुई साताअघि काठमाडौं फर्किएका थिए।
