: तिब्बती धर्मगुरु दलाई लामाले विश्वभर भइरहेका संघर्षहरू अन्त्य गर्न अपील गरेका छन् । उनले आफ्नो आधिकारिक एक्स (ट्विटर) ह्यान्डलमा लेखेका छन्, ‘हामी इसाई धर्म, बौद्ध धर्म, इस्लाम, हिन्दू धर्म, यहूदी धर्म वा संसारका कुनै पनि महान आध्यात्मिक परम्परालाई हेरे पनि, सन्देश सधैं एउटै हुन्छ-प्रेम, करुणा, सहनशीलता र आत्म–अनुशासन ।’
दलाई लामाले थप लेखेका छन्, ‘इतिहासले बारम्बार देखाएको छ कि हिंसाले केवल थप हिंसालाई जन्म दिन्छ र कहिल्यै पनि दिगो शान्तिको आधार बन्न सक्दैन ।’ ‘कुनै पनि संघर्षको स्थायी समाधान, चाहे त्यो मध्यपूर्वमा होस् वा रूस र युक्रेनबीच, संवाद, समझदारी र आपसी सम्मानमा आधारित हुनुपर्छ ।’ उनले अन्त्यमा भनेका छन्, ‘म प्रार्थना गर्छु र अनुरोध गर्छु कि हिंसा र संघर्ष छिट्टै अन्त्य होस् ।’
