: इन्डियन प्रिमियर लिग (आइपीएल) २०२६ अन्तर्गत पन्जाब किङ्सले घरेलु मैदानमा जित दर्ता गरेको छ। पञ्जाबले गुजरात टाइटन्स्लाई ३ विकेटले पराजित गर्दै विजयी सुरुवात गरेको हो।
महाराजा यादाविन्द्र सिंह इन्टरनेसनल क्रिकेट स्टेडियममा टस हारेर पहिले ब्याटिङ गरेको गुजरातले निर्धारित २० ओभरमा ६ विकेट गुमाउँदै १६२ रन बनाएको थियो।
गुजरातले दिएको १६३ रनको विजयी लक्ष्य पछाएको पञ्जाबले १९.१ ओभरमा ७ विकेट गुमाउँदै १६५ रनसहित लक्ष्य पूरा गरेको हो। पञ्जाबको जितमा आइपीएलमा पञ्जाब किङ्स मा खेल्दै डेब्यु गरेका कोपर कोनोली ७२ रनको अविजित अर्धशतकीय पारी खेले। उनले ४४ बलमा समान ५ चौका र ५ छक्का प्रहार गरे।
ओपनरद्वय प्रयान्स अर्या र प्रभसिम्रन सिंहले क्रमशस् ७ र ३७ रन बनाए। कप्तान श्रेयस अय्यरले १८ रन बनाउँदा जेभियर बार्टलेट ११ रनमा अविजित रहे। गुजरातका लागि बलिङतर्फ प्रसिद्ध कृष्णले सर्वाधिक ३ विकेट लिए । काशीगो रावडा, अशोक शर्मा, रासिद खान र वासिङ्टन सुन्दरले १(१ विकेट लिए।
त्यसअघि, ब्याटिङ गरेको गुजरातका लागि कप्तान सुभ्मन गिलले सर्वाधिक ३९ रन बनाए। उनले २७ बलमा ६ चौका प्रहार गरे। अर्का ओपनर साई सुदर्शनले १३ रन बनाए। जोश बट्लरले ३८, ग्लेन फिलिप्सले २५ र वासिङ्टन सुन्दरले १८ रन बनाउँदा राहुल तिवातिया ११ रनमा अविजित रहे।
पञ्जाबका लागि बलिङतर्फ विजयकुमार वेशकले सर्वाधिक ३ विकेट लिए । युजवेन्द्र चेहलले २ र मार्को जान्छन्ले १ विकेट लिए। आइपीएल २०२६को संस्करणको चारवटा खेल सकियो। जसमा चार खेलमा चारैवटा घरेलु टोलीले जित दर्ता गरेका छन्। विजेता चार टोलीले टस पनि जितेका थिए।
चारवटै खेलमा लक्ष्य पछ्याउने टोलीले जित दर्ता गरिरहेका छन्। चारखेल सकिँदा यो गजबको संयोग बनिरहेको छ। बुधबार आइपीएलमा एक खेल रहेको छ। जसमा दिल्ली क्यापिटल्स र लखनउ सुपर जायन्ट्सले नेपाली समयअनुसार ७:४५ मा खेल्नेछन्।
