: इरानले एक जना नेपालीलाई पक्राउ गरेको छ। इरानले विवादित भनिएको स्ट्रेट अफ होर्मुज क्षेत्रबाट एक जना नेपालीलाई पक्राउ गरेको परराष्ट्र मन्त्रालयले जानकारी दिएको छ।
शुक्रबार आयोजित पत्रकार सम्मेलनमा परराष्ट्र मन्त्रालय पश्चिम एसिया महाशाखाका प्रमुख रामकाजी खड्काले नेपाली नागरिक अमृत झा पक्राउ परेको जानकारी दिए।
इरानले एक पानी जहाजका सबै सदस्यलाई पक्राउ गरेको थियो। जसमा एक नेपाली पनि परेको खड्काको भनाइ छ।
अमेरिका-इरान द्वन्द्व चलिरहेका बेला यतिबेला होर्मुज क्षेत्र विवादित बनेको छ। होर्मुज खाडी मुलुकबाट तेल आयात गर्ने प्रमुख समुन्द्री नाका हो, जुन इरानको मातहतमा रहेको छ। अमेरिका र इजरायलले इरानमाथि आक्रमण गरेपछि इरानले होर्मुज क्षेत्रबाट हुने आयात ठप्प पारेको थियो।
