मुख्य समाचार
एलपी ग्यासको अभाव हुन थालेपछि भारतका विभिन्न सहरमा मजदुरी गरिरहेका नेपाली श्रमिक युवा स्वदेश फर्किन थाले
एलपी ग्यासको अभाव हुन थालेपछि भारतका विभिन्न सहरमा मजदुरी गरिरहेका नेपाली श्रमिक युवा स्वदेश फर्किन थाले

। एलपी ग्यासको अभाव हुन थालेपछि भारतका विभिन्न सहरमा मजदुरी गरिरहेका नेपाली श्रमिक युवा स्वदेश फर्किन थालेका छन् । विशेषगरी होटलमा काम गर्ने नेपाली युवा ग्यासको अभावमा व्यवसाय बन्द हुनथालेपछि स्वदेश फर्किन थालेका हुन् ।

कैलालीको नेपाल–भारत सीमानाका त्रिनगरमा भेटिएका डोटीका रोशन खड्काले ग्यास अभावले आफू कार्यरत होटल बन्द हुने अवस्थामा पुगेपछि स्वदेश फर्किएको बताए । ‘खाने र बस्ने सुविधा होटलमै थियो’, मुम्बईबाट फर्किएका खड्काले भने, ‘ग्यास अभावले होटल नै बन्द गर्ने तयारी भयो, बेरोजगार हुने अवस्था आएपछि स्वदेश फर्किएँ ।’

सीमानाकामा भेटिएका विजय विकले होटल पनि बन्द हुने अवस्था देखिएको र ‘विसु’ पर्व पनि नजिकिएकाले समयमै घर फर्किएको बताए । उनले भने, ‘विसुका मनाउन चैत अन्तिमतिर घर फर्किने सोच थियो । अहिल्यै काम गर्ने होटल बन्द हुने अवस्था आयो । अनि छिट्टै फर्किएँ ।’ ग्यासको अभाव हुन थालेपछि अहिले भारतमा होटलमा मजदुरी गर्ने नेपाली सबैभन्दा बढी प्रभावित हुनथालेको उनले बताए ।

स्वदेश फर्किएका अर्का युवा महेश भट्टले ग्यास अभावले रोजगारी खोसिने अवस्था आएको बताए । ‘होटलमा नोकरी गरिरहेका अधिकांश नेपाली बेरोजगार हुने अवस्था छ । अन्य क्षेत्रमा मजदुरी गर्ने नेपाली पनि प्रभावित भएका छन् । तर, बढी होटलमै काम गर्ने छन्,’ भट्टले भने ।

पश्चिम एसिया क्षेत्रमा भइरहेको युद्धका कारण पेट्रोलियम पदार्थको आपूर्तिमा समस्या भएपछि भारतमा सरकारले इन्धन र खाना पकाउने ग्यासको वितरणमा कडाइ गरिरहेको छ ।

भारतमा सुदूरपश्चिमबाट ठुलो संख्यामा नेपालीहरू मजदुरी गर्दैआएका छन् । –रासस

प्रतिक्रिया दिनुहोस्
अन्य समाचारहरु
: न्युजिल्यान्ड नेपाल चेम्बर अफ कमर्स (एनजेडएनसीसी) ले अकल्यान्डमा आफ्नो १०औं वार्षिकोत्सव मनाएको छ। ‘क्लाइम्बिङ न्यु हाइट्स’ अर्थात् ‘नयाँ उचाइतर्फको यात्रा’ भन्ने नाराका साथ आयोजित कार्यक्रममा नेपाल र न्युजिल्यान्डबीच सरकारी तह (जीटुजी) तथा निजी क्षेत्र (बीटुबी) मार्फत सहकार्यका सम्भावना अघि बढाउने विषयमा छलफल गरिएको छ। अकल्यान्ड सिटीस्थित अकल्यान्ड बिजनेस चेम्बरमा आयोजित कार्यक्रममा दुई देशबीच आर्थिक ...
। बेलायत अन्तर्राष्ट्रिय विद्यार्थीका लागि लोकप्रिय गन्तव्यहरूमध्ये एक मानिन्छ । तर, सरकारको कठोर अध्यागमन नीतिका कारण अहिले यहाँ आउने विदेशी विद्यार्थी क्रमशः घट्न थालेको तथ्यांकले देखाएका छन् । बेलायत पढ्न आउने नेपालीसहित अन्तर्राष्ट्रिय विद्यार्थीहरुको संख्यामा ठूलो गिरावट आएको छ । बेलायती गृह मन्त्रालय (होम अफिस) का अनुसार, यस वर्ष अक्टोबर २०२६ अन्त्यसम्म अध्ययन भिजा मुख्य आवेदक संख्या ...
। लन्डनमा शनिबार सम्पन्न प्रतिष्ठित ‘लर्ड मेयर शो’ परेडमा गोर्खाली विरासत र नेपाली कला, संस्कृति तथा परम्पराको विशेष प्रदर्शनी गरिएको छ। लन्डन सिटीका नयाँ लर्ड मेयरको नियुक्तिको अवसरमा आयोजित ऐतिहासिक परेडमा प्रतिभा नक्षत्रको संयोजनमा नेपाली समुदायले गोर्खाली इतिहास, वीरता र नेपालको सांस्कृतिक विविधता झल्काउने प्रस्तुति गरेको हो। करिब सात हजार जना सहभागी उक्त परेडको करिब तीन माइल ...
— बेलायतको रश्मूर क्षेत्रमा बसोबास गर्ने नेपाली समुदायले एकैदिन गोर्खाली सैनिकहरूको वीरताको स्मरण गर्दै देउसी–भैलो खेलेर तिहार मनाएका छन् । ग्रेटर रश्मूर नेपाली कम्युनिटी (जीआरएनसी) को आयोजनामा यस वर्ष पहिलोपटक उनीहरूले कुकुर तिहारसमेत मनाएका छन् । रश्मूर क्षेत्रको अल्डरसटस्थित प्रिन्सेस गार्डेनमा नोभेम्बर ७ मा रिमेम्बरेन्स डे (स्मृति दिवस) को औपचारिक कार्यक्रम आयोजना गरी वीर गोर्खालीको योगदान, ...
। अमेरिकाको भर्जिनिया राज्यमा ममता काफ्लेको हत्या प्रकरणमा उनका पति नरेश भट्ट दोषी ठहर भएका छन् । १० नोभेम्बर २०२६ मा जुरीले भट्टलाई प्रथम श्रेणीको हत्या, शव लुकाएको र शव विकृत बनाएको अभियोगमा दोषी ठहर गरेको अमेरिकी सञ्चारमाध्यमहरूले जनाएका छन् । सीएनएनका अनुसार भट्टले आफ्नी पत्नीको हत्या गरेको अभियोग अस्वीकार गर्दै आएकामा जुरीले उनको दाबी अस्वीकार ...