: इरानी सर्वोच्च नेता मोजतबा खामेनीले एक लिखित सन्देश जारी गर्दै टर्की र ओमानका केही क्षेत्रमा भएका आक्रमणहरूमा इरानको संलग्नता नरहेको दाबी गरेका छन्।
फारसी नयाँ वर्ष 'नौरोज'को अवसरमा जारी गरिएको उक्त सन्देशलाई इरानको सरकारी टेलिभिजनमार्फत सार्वजनिक गरिएको हो। नौ पाना लामो आफ्नो वक्तव्यमा खामेनीले इरानले आफ्ना पूर्वी छिमेकीहरूलाई निकै घनिष्ठ मान्ने उल्लेख गरेका छन्।
खामेनीले पाकिस्तानलाई आफ्ना पिता अली खामेनीको 'विशेष प्रिय देशू भएको बताएका छन्। उनले पाकिस्तान र अफगानिस्तानबीचको सम्बन्ध सुधार हुनुपर्नेमा जोड दिँदै यसका लागि आफू 'आवश्यक कदम चाल्न' तयार रहेको समेत स्पष्ट पारेका छन्।
त्यस्तै सन्देशमार्फत इजरायल र अमेरिकासँगको तनावपूर्ण युद्धको सन्दर्भ जोड्दै उनले छिमेकी राष्ट्रहरूमा भएका आक्रमणको खण्डन गरे। उनले भने टर्की र ओमानसँग हाम्रो राम्रो सम्बन्ध छ। ती देशका केही इलाकामा भएका हमलाहरूमा इस्लामिक रिपब्लिकको सेना वा 'रेजिस्टेन्स फ्रन्ट' का फौजहरूको कुनै पनि किसिमको संलग्नता छैन।'
मोजतबा खामेनीले इजरायलमाथि इरान र उसका छिमेकीहरूबीच फाटो ल्याउन 'कुटिल चाल' चलेको आरोप समेत लगाएका छन्।
