: जिल्ला प्रशासन कार्यालय,काठमाडौंले जेनजी आन्दोलनका क्रममा घाइते भइ वर्गीकरणमा छुटेकालाई अन्तिम पटक सूचना जारी गरेको छ। यसअघि सञ्चालन गरिएका वर्गीकरण प्रक्रियामा छुटेका घाइतेहरूलाई लक्षित गर्दै यो सूचना प्रकाशित गरिएको हो।
जिल्ला प्रशासनका अनुसार छुट भएका घाइतेहरूलाई चैत २० गते शुक्रबार दिउँसो १२:०० बजे जिल्ला प्रशासन कार्यालय,काठमाडौंमा उपस्थित हुन आग्रह गरिएको छ।
घाइतेहरूले आफूले उपचार तथा परीक्षण गराएको सम्बन्धित कागजात र जेनजी घाइते परिचयपत्र साथमा ल्याई अनिवार्य रूपमा स्वयं उपस्थित हुनुपर्नेछ।
कार्यालयले यस सूचनालाई अन्तिम अवसरको रूपमा लिई सम्बन्धित सबैलाई जानकारी गराएको जनाएको छ।
