: इरानको प्रमुख प्राकृतिक ग्यासमा भएको आक्रमणपछि इराकमा हुने ग्यास आयात पूर्ण रूपमा बन्द भएको छ। इराकी सञ्चारमाध्यमहरूले त्यहाँको विद्युत मन्त्रालयलाई उद्धृत गर्दै यो जानकारी दिएका हुन्।
इराकी विद्युत मन्त्रालयका प्रवक्ता अहमद मूसाका अनुसार क्षेत्रीय तनाव र ग्यास क्षेत्रमा भएको क्षतिका कारण इरानबाट आउने ग्यास आपूर्ति पूर्ण रूपमा ठप्प भएको छ।
रोयटर्सका अनुसार इराकले आफ्नो कुल ग्यास र विद्युत आवश्यकताको एक तिहाइभन्दा बढी (१/३) हिस्सा इरानबाट आयात गर्ने गर्दछ। यो रोकले इराकमा ऊर्जा सङ्कट निम्त्याउन सक्ने देखिएको छ।
इरानी सञ्चारमाध्यमहरूले विश्वकै सबैभन्दा ठूलो प्राकृतिक ग्यास क्षेत्रमा हवाई हमला भएको दाबी गरेका छन्। तर ग्यास क्षेत्रको पेट्रोकेमिकल कम्प्लेक्समा भएको उक्त हमलामा कोही पनि हताहत भएका छैनन्।
राजनीतिक आरोप र चेतावनी
यो घटनाले क्षेत्रीय तनावलाई नयाँ मोड दिएको छ। तस्नीम न्यूज एजेन्सीले बुधबार भएको यस आक्रमणको लागि' इजरायल र अमेरिका'लाई जिम्मेवार ठहर्याएको छ। इरानी पक्षले यसको जवाफमा 'अमेरिका र उससँग जोडिएका सबै तेल तथा ग्यास रिफाइनरीहरू' लाई निशाना बनाउने चेतावनी समेत दिएको छ।
साउथ पार्स विश्वकै सबैभन्दा ठूलो प्राकृतिक ग्यास क्षेत्र हो। यस क्षेत्रमा इरान र कतार दुवै देशले आफ्ना प्लान्टहरू सञ्चालन गर्दै आएका छन्। 'तस्निम'का अनुसार आक्रमण बुधबार भएको हो।
