: नेपाली राष्ट्रिय टिमका लेगस्पिनर सन्दीप लामिछानेको कप्तानीमा बागमती क्रिकेट संघले प्रधानमन्त्री कप खेल्ने १५ सदस्यीय टिम घोषणा गरेको छ ।
आठौं संस्करणको प्रधानमन्त्री कपका लागि बागमती प्रदेशले मंगलबार छनोट चरणको खेल सम्पन्न गरेसँगै बुधबार टिमको घोषणा गरेको हो । सन्दीप लामिछाने कप्तान छन्, भने इशान पाण्डे टिमको उपकप्तानको रुपमा हुनेछन् ।
आठौं संस्करणको प्रधानमन्त्री कप ४ वटा स्थानमा हुनेछ । यस पटक प्रधानमन्त्री कप काठमाडाैका २ खेल मैदान त्रिवी क्रिकेट मैदान र मूलपानी मैदानमा हुनेछ । त्यस्तै जनकपुर र पर्सामा पनि प्रधानमन्त्री कपको खेलहरु हुनेछन् ।
प्रधानमन्त्री कपको लागि बागमतीको टिम :
सन्दीप लामिछाने (कप्तान), इशान पाण्डे (उपकप्तान), अशुतोष घिरैया, उत्तम थापा मगर (विकेट किपर), पवनबहादुर थापा, दयानन्द मण्डल, प्रतिश जिसी, सुवास खत्री, रिजन ढकाल, शुभ कंसाकर, विवेक राना मगर, शिवम तिवारी, रिङ्जिन लामा, सचिन लेखक र सोनु देवकोटा ।
