: इराकको राजधानी बग्दादधेरै विष्फोट भएका छन् । जसमा कम्तीमा चार जनाको मृत्यु भएको छ । एक इरान समर्थित समूहले प्रयोग गर्ने भवनमा गरिएको हवाई आक्रमणमा यी मानिसहरूको ज्यान गएको हो । साथै, साक्षी र सुरक्षा स्रोतहरूका अनुसार अमेरिकी राजदूतावासलाई लक्षित गर्दै ड्रोन आक्रमण पनि गरिएको छ ।
मंगलबार बिहानै ग्रिनजोनमा रहेको अमेरिकी दूतावास नजिक विष्फोटको आवाज आएपछि, बग्दादको जद्रियाह क्षेत्रमा यो घातक आक्रमण भएको हो । अल जजिराद्वारा प्रमाणित भिडियो र फोटोहरूमा अमेरिकी दूतावास वरिपरि आगो र धुवाँ उठिरहेको देखिन्छ । साथै, आकाशमा उडिरहेका केही ड्रोनहरूलाई वायु रक्षा प्रणालीले नष्ट गरिरहेको दृश्य पनि देखिएको छ ।
रोयटर्सका अनुसार, दूतावासको C–RAM वायु रक्षा प्रणालीले कम्तीमा दुई वटा ड्रोन खसालेको थियो, जबकि तेस्रो ड्रोन दूतावास परिसरभित्र खसेको थियो। एक साक्षीका अनुसार देखिएको आगो र धुवाँ त्यहीँबाट उठिरहेको थियो । अमेरिकी दूतावासले यसबारे तुरुन्त कुनै प्रतिक्रिया दिएको छैन ।
यी घटनाहरू संयुक्त राज्इ अमेरिकाका सेना र तेहरानसँग सम्बन्धित इराकी सशस्त्र समूहहरूबीच भइरहेको झडपका बीचमा भएका हुन्, जुन इरान र इजरायलबीचको युद्धसँग सम्बन्धित छ । रिपोर्टअनुसार, जद्रियाहमा भएको आक्रमण जन मोबिलाइजेशन फोर्सको मुख्यालयका रूपमा प्रयोग गरिने घरलाई लक्षित गरिएको थियो ।
