मुख्य समाचार
१५औं विश्व उपभोक्ता अधिकार दिवस मनाउँदै गर्दा मुलुक महँगीको चपेटामा
१५औं विश्व उपभोक्ता अधिकार दिवस मनाउँदै गर्दा मुलुक महँगीको चपेटामा

: १५औं विश्व उपभोक्ता अधिकार दिवस मनाउँदै गर्दा मुलुक महँगीको चपेटामा रहेको छ। अमेरिका–इरान युद्धका कारण विश्व बजारमा पेट्रोलियम पदार्थको आयात–निर्यातको शृंखला चक्रमा नै असर गर्दा नेपालमा पनि त्यसको प्रभाव देखिएको छ।


सरकारले उपभोक्ताको हितलाई भन्दा व्यापारीको स्वार्थलाई प्राथमिकता दिएको भन्दै उपभोक्ता अधिकारकर्मीहरूले आक्रोश पोखेका छन्। उद्योग, वाणिज्य तथा आपूर्ति मन्त्रालयअन्तर्गत वाणिज्य, आपूर्ति तथा उपभोक्ता संरक्षण विभागले १५औं विश्व उपभोक्ता अधिकार दिवसका अवसरमा आइतबार राजधानीमा आयोजना कार्यक्रममा उपभोक्ताहरूले ग्यासको अभाव र महँगीको विरोधमा यस्तो आक्रोश पोखेका हुन्।


उपभोक्ताकर्मी अप्सरा कोइरालाले हाल बजारमा देखिएको ग्यास र पेट्रोलको अभावप्रति लक्षित गर्दै आधा सिलिन्डर ग्यासका लागि पनि उपभोक्ताहरू दिनभर आफ्नो काम माया मारेर लाइनमा बस्नुपर्ने विडम्बनापूर्ण स्थिति रहेको गुनासो गरिन्।



राज्य र सम्बन्धित निकायले समयमै सचेत र चतुरता नदेखाउँदा उपभोक्ताहरूले सास्ती भोग्नुपरेको उनको तर्क छ। बजारमा एकातिर अभाव देखिए पनि कतिपयको घरमा १० वटासम्म सिलिन्डर मौज्दात रहेको दाबी गर्दै उनले सरकारलाई त्यस्ता ठाउँमा छापा मार्न ध्यानाकर्षण गरिन्।

उपभोक्ता अधिकार अनुसन्धान मञ्चका अध्यक्ष माधव तिमिल्सिनाले विगत १५ वर्षदेखि बजारमा उत्पादन मिति, लेबलिङ, मिसावट, कालोबजारी र आपूर्तिमा समस्या जस्ता विषयहरू जस्ताको तस्तै रहेको बताए। दिवसको पूर्वसन्ध्यामा ग्यासको लाइनमा बस्दा एक उपभोक्ताको मृत्यु भएको दुःखद घटनाले उपभोक्ताको सुरक्षा र अधिकारको अवस्थालाई अझ गम्भीर बनाएको उल्लेख गरे। यस्तै, राष्ट्रिय उपभोक्ता मञ्चका अध्यक्ष प्रेमलाल महर्जन उपभोक्ताका समस्याहरू दशकौंदेखि जस्ताको तस्तै रहेको भन्दै सरकारको ध्यानाकर्षण गराए। महर्जनका अनुसार ४२ वर्षअगाडि रहेका मिसावट, पानीको अभाव र कालोबजारीजस्ता समस्याहरू आज पनि कायमै छन्।

संविधानको धारा ४४ ले प्रत्येक उपभोक्तालाई गुणस्तरीय वस्तु र सेवा प्राप्त गर्ने र गुणस्तरहीन वस्तुबाट क्षति पुगेमा क्षतिपूर्ति पाउने मौलिक हक सुनिश्चित गरेकोमा जोड दिए। कार्यक्रममा उद्योग मन्त्रालयका सचिव मधुसूदन बुर्लाकोटीले उपभोक्ताकर्मीहरूलाई प्रतिउत्तर दिँदै भारतबाट हुने ग्यासको आपूर्ति नघटेको भएता पनि उपभोक्ताहरूले घरमा आवश्यकताभन्दा बढी सिलिन्डर सञ्चय गरेका कारण केही असहजता देखिएको प्रस्ट्याए। बजारमा ग्यासको तौल र गुणस्तरमा देखिएका समस्याहरूलाई नियन्त्रण गर्न सरकारले अनुगमन संयन्त्रलाई तीव्र पारेको उनले जनाए। ‘बढी मूल्य लिने र ठगी गर्नेहरू विरुद्ध जिल्ला प्रशासन कार्यालयमार्फत कारबाही भइरहेको र केही सिलिन्डरहरू समेत बरामद गरिएको छ,’ सचिव बुर्लाकोटीले भने।

स्वच्छ बजार र उपभोक्ता हितमा उद्योग मन्त्री सिन्हाको जोड उद्योग, वाणिज्य तथा आपूर्ति मन्त्री अनिलकुमार सिन्हाले बजारमा देखिएका विकृतिहरू अन्त्य गर्न र पूर्वाधार विकासमा निजी क्षेत्रसँग सहकार्य गर्न सरकार तयार रहेको बताए। उनले कालोबजारी, कृत्रिम अभाव र सिन्डिकेटजस्ता विकृतिलाई कुनै पनि हालतमा छुट नदिइने र उपभोक्ता हितविपरीत कार्य गर्नेलाई कानुनबमोजिम कडा कारबाही गरिने बताए।

‘उपभोक्ता अधिकारलाई मौलिक हकको रूपमा स्थापित गर्न र स्वच्छ बजार कायम राख्न जरुरी छ। नेपालको संविधानको धारा ४४ ले प्रत्येक उपभोक्तालाई गुणस्तरीय वस्तु र सेवा प्राप्त गर्ने हक सुनिश्चित गरेको छ। उपभोक्ता संरक्षण ऐन २०७५ र नियमावलीहरू कार्यान्वयनमा रहेको छ,’ मन्त्री सिन्हाले भने।

१५औं विश्व उपभोक्ता अधिकार दिवसका अवसरमा अन्नपूर्णकर्मी सुनिता कार्की सम्मानित भएकी छिन्।वाणिज्य, आपूर्ति तथा उपभोक्ता संरक्षण विभागले आइतबार आयोजना गरेको उपभोक्ता अधिकार दिवसका अवसरमा कार्कीलाई कदरपत्र र मायाको चिनोसहित सम्मान गरेको हो।
उपभोक्ता हितका मुद्दाहरूलाई उठाएर यस क्षेत्रमा पुर्‍याएको योगदानको कदर गर्दै कार्कीलाई सम्मान गरिएको विभागले जनाएको छ।दिवसका अवसरमा कार्कीका साथै अन्य सञ्चारकर्मी, संस्था एवं विभिन्न व्यक्तित्वहरूलाई पनि सम्मान गरिएको थियो।

प्रतिक्रिया दिनुहोस्
अन्य समाचारहरु
। काठमाडौं उपत्यका खानेपानी लिमिटेड (केयूकेएल) ले महसुल बक्यौता रहेका ग्राहकलाई जरिबानामा ९० प्रतिशतसम्म छुट दिने भएको छ । लिमिटेडले २०८३ कात्तिक मसान्तसम्मको बक्यौता महसुल तिर्न आउने ग्राहकको ग्राहक लगत (प्थ्ऋ) अद्यावधिक गरी जरिवाना रकममा छुट दिने निर्णय गरेको हो । लिमिटेडले सार्वजनिक गरेको सूचनाअनुसार २०८३ मंसिर १ गतेदेखि २०८३ माघ मसान्तसम्म बक्यौता महसुल बुझाउने ग्राहकले जरिवाना ...
। वीरगञ्ज भन्सार कार्यालयले चालु आर्थिक वर्षको कात्तिक महिनामा लक्ष्यभन्दा बढी राजस्व संकलन गरेको छ । कार्यालयका अनुसार गत कात्तिकमा १७ अर्ब ७९ करोड रुपैयाँ राजस्व संकलन भएको छ । सो महिनामा १७ अर्ब ६४ करोड रुपैयाँ राजस्व संकलन गर्ने लक्ष्य निर्धारण गरिएको थियो । भन्सार कार्यालयले लक्ष्यभन्दा १५ करोड रुपैयाँ बढी संकलन गरेको प्रमुख भन्सार प्रशासक कृष्णप्रसाद ...
— सरकारले जलविद्युत् आयोजनालाई ५० प्रतिशत भौतिक प्रगतिपछि मात्र सेयर निष्कासन गर्न दिने तयारी गरेको छ । सरकारले ‘लगानी तथा पूर्वाधारसम्बन्धी केही नेपाल ऐनलाई संशोधन गर्ने अध्यादेश, २०८३’ को मस्यौदामा यस्तो व्यवस्था गर्न लागिएको हो । यो मस्यौदा मात्र हो । पछिल्ला दिनमा सरकारले अध्यादेश ल्याउने वा विधेयकमार्फत नै ऐन संशोधन गर्ने निर्णय भने गरिसकेको ...
: उखु उत्पादक किसानले चालु आर्थिक वर्षका लागि सरकारी अनुदानसहित उखुको मूल्य प्रतिक्विन्टल १ हजार २५ रुपैयाँ कायम गर्न सरकारसँग माग गरेका छन्। बढ्दो उत्पादन लागत र महँगीअनुसार उखुको मूल्यवृद्धि गर्नुपर्ने मागसहित किसानले आगामी बिहीबार सरकारसँग औपचारिक वार्ता गर्ने भएका छन्। मूल्यवृद्धि र बाँकी भुक्तानीको विषयमा सहमति नभए आन्दोलनका कार्यक्रम घोषणा गर्ने किसानले चेतावनी दिएका ...
: अर्थमन्त्री डा. स्वर्णिम वाग्लेले उत्पादन र उत्पादकत्व वृद्धि, रोजगारी सिर्जना तथा लगानी विस्तारको दिशामा अगाडि बढ्नुपर्ने बताएका छन्। नेपाल बैंक लिमिटेडको ९० औँ वार्षिकोत्सवका अवसरमा सोमबार काठमाडौँमा आयोजित कार्यक्रममा मन्त्री वाग्लेले नेपालको अर्थतन्त्र अहिले महत्त्वपूर्ण मोडमा रहेको उल्लेख गरे। कर्जाको प्रवाह अनुत्पादक क्षेत्रबाट उत्पादनशील क्षेत्रतर्फ निर्देशित हुनुपर्ने उनले बताए। त्यस्तै, उनले बैंकले जनविश्वास कायम राख्न ...