: डडेलधुरा परशुराम नजिक रहेको महाकाली नदीमा डुबेर बालकको मृत्यु भएको छ। केही दिनदेखि बढेको गर्मी छल्न साथीहरूसँग महाकाली किनारमा नुहाउन गएका बालकको मृत्यु भएको स्थानीयले जनाएको छ।
जिल्लाको परशुराम नगरपालिकामा पौडी खेल्ने क्रममा महाकाली नदीमा डुबेर परशुराम नगरपालिका-६ भोरकुण्डाका धनबहादुर धामीका छोरा १२ वर्षीय योगेश धामीको मृत्यु भएको हो। साथीसँगै खोलामा पौडी खेल्न क्रममा शनिबार दिउँसो डुबेर मृत्यु भएको हो।
गाउँकै ४,५ जनाको समूहमा पौडी खेल्न नदी पुगेको मध्ये योगेश महाकालीमा डुबेपछि सँगैका साथीहरूले उनका घरपरिवारलाई खबर गरेका थिए। घरका मानिसहरूले खोजतलास गर्दा उनी नदी किनारमा डुबेको अवस्थामा फेला पारेका हुन्।
प्रहरीले घटना सम्बन्धी आवश्यक अनुसन्धान गरिरहेको जनाएको छ। मृतक बालकको पोस्टमार्टम पछि घरपरिवारको जिम्मा लगाएको जोगबुडा प्रहरीले जनाएको छ।
