: विद्युतीय कारोबार ऐन अन्तर्गत कसुर मुद्दाका फरार प्रतिवादी पक्राउ परेका छन्। पक्राउ पर्नेमा झापाको गौरादह नगरपालिका-५ घर भई काठमाडौं महानगरपालिका-४ सुकेधारा बस्ने ४३ वर्षीय रविरत्न चुडाललाई बिहीबार प्रहरीले पक्राउ गरेको छ।
उक्त मुद्दामा फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-४ सुकेधाराबाट पक्राउ गरेको हो। उनलाई आवश्यक अनुसन्धान तथा कारबाहीका लागि इलाका प्रहरी कार्यालय धरान पठाइएको छ।
