: इरान र अमेरिकाबीच बढ्दो तनावका बीच अमेरिकी विदेश मन्त्रालयले ओमानमा रहेका आफ्ना गैर-अत्यावश्यक कर्मचारी र उनीहरूका परिवारलाई तत्काल देश छोड्न आदेश दिएको छ।
अमेरिकाले ओमानमा सशस्त्र द्वन्द्व र आतंकवादको उच्च जोखिम रहेको भन्दै आफ्ना नागरिकहरूलाई सतर्क गराएको छ। लेभल ३ को चेतावनी जारी गर्दै यात्रुहरूलाई 'सशस्त्र द्वन्द्व' र आतंकवादको जोखिमका कारण ओमान भ्रमण गर्ने निर्णयमा पुनर्विचार गर्न भनिएको छ।
यसैबीच, ओमान र यमनको सीमावर्ती क्षेत्रका लागि भने 'लेभल ४' अर्थात् 'भ्रमण नगर्नुहोस्' भन्ने कडा चेतावनी जारी गरिएको छ।
उक्त निर्देशन इरानको खार्ग टापुमा भएको हमला र त्यसपछि इरानले दिएको कडा चेतावनीको लगत्तै चालिएको हो। मध्यपूर्वमा युद्धको बादल मडारिइरहँदा अमेरिकाले आफ्ना नागरिकको सुरक्षालाई प्राथमिकतामा राखेको देखिन्छ।
