— ‘क्याम्पा’ कोहलपुर प्राइड लिग राष्ट्रिय टी–२० क्रिकेट प्रतियोगिताको पहिलो दिन उद्घाटन खेलमा युनाइटेड भिजन क्रिकेट क्लब र कोहलपुर स्पोर्ट्स एकेडेमीले विजयी सुरुवात गरेका छन् ।

प्रतियोगिताको पहिलो दिन बिहीबार कोहलपुर–११ स्थित अन्तर्राष्ट्रिय क्रिकेट रंगशाला मैदानमा युनाइटेड भिजन क्रिकेट क्लबले ब्राइटलेड स्कुल र कोहलपुर स्पोर्ट्स एकेडेमीले हिमालयन क्रिकेट एकेडेमीलाई हराउँदै विजयी सुरुवात गरेका हुन् ।

उद्घाटन खेलमा युनाइटेड भिजन क्रिकेट क्लबले जस जितेर ब्राइटल्याण्ड स्कुललाई बलिङको निम्तो दिएको थियो । सुरुवाती ब्याटिङ गरेको युनाइटेड भिजन क्रिकेट क्लबले निर्धारित २० ओभरमा ८ विकेट गुमाउँदै १ सय ५५ रन बनायो ।

युनाइटेड भिजन क्रिकेट क्लबले दिएको १ सय ५६ रनको लक्ष्य पक्ष्याएको ब्राइटल्याण्ड स्कुल १६.१ ओभरमा १ सय १ रनमै समेटियो । यससँगै युनाइटेड भिजन क्रिकेट क्लब २२ रनले विजयी भयो । युनाइटेड भिजन क्रिकेट क्लबलाई विजयी गराउन महत्त्वपूर्ण ३ विकेट लिँदै सन्तोष यादव ‘प्लेयर अफ द म्याच’ भए ।

यस्तै प्रतियोगिताको दोस्रो खेलमा कोहलपुर स्पोर्ट्स एकेडेमी र हिमालयन क्रिकेट एकेडेमीबीच प्रतिस्पर्धा भएको थियो । टस जितेको कोहलपुर स्पोर्ट्स एकेडेमीले पहिला ब्याटिङ गर्ने निर्णय गर्‍यो ।

कोहलपुर स्पोर्ट्स एकेडेमीले सुरुमा ब्याटिङ गर्दै निर्धारित २० ओभरमा ६ विकेट गुमाउँदै १ सय ९७ रन बनायो । अर्जुन घर्तीले २७ बलमा ६५ र भीम सार्कीले ३७ बलमा ५२ रनको अर्धशतकीय पारीको सहयोगमा कोहलपुर स्पोर्ट्स एकेडेमीले विशाल लक्ष्य दिएको थियो ।

ads/6800x1100galaxy-s26-ultrapriva-0932026035119.jpg
कोहलपुर स्पोर्ट्स एकेडेमीले दिएको लक्ष्य पछ्याउने क्रममा हिमालयन क्रिकेट एकेडेमीले खराब सुरुवात गर्दै ७५ रनमै अलआउट भयो ।

टिमका लागि कुनै पनि ब्याटरले ठूलो साझेदारी बनाउन सकेनन् । हिमालयन क्रिकेट एकेडेमीका ब्याटरहरू कोहलपुर स्पोर्ट्स एकेडेमीका बलरसामु निरीह बने । कोहलपुर स्पोर्ट्स एकेडेमीलाई विजयी बनाउन महत्त्वपूर्ण ४ विकेट लिएका सिद्धान्तराज शाही ‘प्लेयर अफ द म्याच’ भए ।

प्रतियोगितामा प्रथमले ४ लाख र द्वितीयले २ लाख रुपैयाँ नगद पुरस्कार प्राप्त गर्नेछन् । कोहलपुर स्पोर्ट्स एकेडेमीको आयोजना, कोहलपुर नगरपालिका संरक्षकत्व र बाँके जिल्ला क्रिकेट संघको समन्वयमा बिहीबारदेखि सुरु भएको प्रतियोगिता चैत २ गतेसम्म सञ्चालन हुनेछ ।