: अमेरिका र इजरायलले इरानमाथि गरेको आक्रमणको जवाफमा इरानले खाडी मुलुकमा रहेका अमेरिकी सेनाको बेस क्याम्पमा इरानले जवाफी आक्रमण गर्दा भएको द्वन्द्वका कारण हाल विश्वका धेरै क्षेत्रहरूमा प्रभाव पारेको छ । यसको प्रभावबाट खेलकुद जगत पनि अछुतो रहन सकेन ।
जसको बाछिटा नेपाली खेलकुदमा पनि परेको छ । नेपाल, ओमान र यूएई सम्मिलित आइसीसी विश्वकप लिग २ को श्रृंखला हालका लागि स्थगित भएको छ । यति मात्रै होइन पछिल्लो समय मध्य पूर्वमा हुने खेलकुदका गतिविधि स्थगित हुँदा विश्वका प्राय खेल प्रभावित बनेका छन् ।
नेपाल, ओमान र यूएईबीचको आईसीसी विश्वकप लिग–२ को श्रृंखला स्थगित
null
आइसीसी विश्वकप लिग २ को नेपालमा आयोजना हुने गरी तय भएको नेपाल, ओमान र यूएई सम्मेलित श्रृंखला हालका लागि स्थगित भएको छ । मार्च १० बाट काठमाडौं हुनेगरी निर्धारण भएको श्रृंखला मध्य पूर्वको युद्धका कारण स्थगित भएको हो ।
ओमान र यूएईका खेलाडी आउने एयरपोर्टहरु नै द्वन्द्वको कारण प्रभावित बन्दा लिग श्रृंखला पछाडि धकेलिएको हो । यो श्रृंखलाको आयोजक रहेको नेपाल क्रिकेट संघ (क्यान) ले मार्च ४ मा एक विज्ञप्ति जारी गर्दै यो श्रृंखला आगामी सूचना नआउँदासम्मको लागि स्थगित गरिएको हो ।
आइसीसी टी–२० विश्वकप २०२६ खेल्न भारत आएका वेस्ट इन्डिज र दक्षिण अफ्रिकाको खेलाडी अलपत्र
null
आइसीसी टी–२० विश्वकप खेल्न भारत आएका टिमहरुमध्ये वेस्ट इन्डिज र दक्षिण अफ्रिकाको टिम स्वदेश फर्कन समस्या भयो । सुपर ८ मा नै आफ्नो यात्रा सकेको वेस्ट इन्डिज र सेमिफाइनलसम्मको खेल खेलेको दक्षिण अफ्रिकाको टोली स्वदेश फर्कन समस्या भयो ।
मार्च १ मा सुपर ८ अन्तर्गतको अन्तिम खेलमा भारतसँग पराजित हुँदै विश्वकप २०२६ को यात्रा सकेको वेस्ट इन्डिज मार्च १० सम्म घर फर्कन पाएको थिएन । आइसीसीले चार्टर विमानबाट स्वदेश फर्काउने पहलमा पनि निकै समय लागेपछि यी दुई टोली भारतमा अलपत्र परेका थिए । जसमा वेस्ट इन्डिजले भने आफ्नो खेलाडीलाई व्यवसायीक उडानमार्फत १० र ११ मा गरी खेलाडी स्वदेश फर्काउन लागेको हो ।
यी दुवै टोली स्वदेश फर्कन मध्य पूर्वको बाटो हुँदै जानु पर्ने थियो । त्यस देशका एयरपोर्टहरु द्वन्द्वका कारण प्रभावित बन्दा यी दुई टोलीलाई स्वदेश फर्कन सकस भएको हो ।
एसियन कप २०२६ खेल्न अष्ट्रेलिया पुगेका इरानी फुटबलरले अष्ट्रेलियामा लिए शरण
nullमहिला एसियन कप २०२६ हाल अष्ट्रेलियामा भइरहेको छ । जसमा इरानले पनि सहभागिता जनाएको थियो । इरानमा भएको युद्धको कारण दक्षिण कोरियासँगको खेलमा आफ्नो देशको राष्ट्रिय गान समेत गाउन खेलाडीले मानेनन् । यी खेलाडीले अष्ट्रेलियन सरकारलाई गुहार माग्दै मानवीय भिसा प्राप्त गरेका छन् ।
अष्ट्रेलियाले इरानको सम्पूर्ण टिमलाई सहयोग गर्ने बताए पनि हाल ५ जना फुटबलरले अष्ट्रेलियाको सहयोग स्विकार गरेका छन् । जमिा फतेमा पासानडिडेह, जाहरा घानबारी, जाहरा सरबाली, अतेफे रामाजानजाडेह र मोना हमौदी रहेका छन् । इरानी फुटबल टिम एक महिना अगाडि एसियन कप खेल्न अष्ट्रेलिया आएको थियो ।
अमेरिकन हक्की टिमले हक्की विश्वकप छनोट २०२६ बाट नाम फिर्ता लियो
null
हक्की विश्वकप छनोट २०२६ को खेल इजिप्टमा हुँदैछ । यो छनोट खेलबाट अमेरिकाले आफ्नो नाम फिर्ता लिएको छ । मध्य पूर्वमा भएको द्वन्द्वको स्थितिका कारण अमेरिकन टिमले आफ्नो सहभागिता फिर्ता लिएको हो ।
द्वन्द्व भइरहेको स्थानमा अमेरिकन नागरिकलाई जान नदिन टिमले नाम फिर्ता लिइएको हो । यस विषयमा अन्तर्राष्ट्रि हक्की महासंघले अमेरिकन टिमको निर्णयमा पूर्ण समर्थन जनाएको बुधबार महासंघले बतायो ।
इरानको खेलकुद कार्यक्रम स्थगित
हाल द्वन्द्वको चर्को मारमा रहेको इरानमा हाल अर्को सूचना नआउँदासम्मको लागि सम्पूर्ण खालको खेलकुद कार्यक्रम स्थगित गर्ने भएको छ । इरानको चर्चित पेरसियन गल्फ प्रो लिगदेखि हरेक खेलकुद कार्यक्रम स्थगित गरिएको छ । बहराइनी फुटबल संघले पनि आफ्नो कार्यक्रमहरु स्थगित गरेको छ ।
अफगानिस्तान र श्रीलंकाको श्रृखंला स्थगित
अफगनिस्तान र श्रीलंकाले यूएईमा खेल्ने द्विपक्षीय अन्तर्राष्ट्रिय श्रृखंला स्थगित भएको छ । बुधबार अफगानिस्तान क्रिकेट संघले एक सूचना जारी गर्दै यो श्रृखंला अवस्था सामान्य नहुँदासम्मको लागि स्थगित भएको बताएको हो । यो श्रृखंला अब २०२६ को अन्तिम महिनामा मात्र खेलिने भन्दै सूचनामा उल्लेख गरिएको छ । मार्च १३ देखि २५ सम्म हुने गरी ३ एकदिवसीय र ३ टी–२० खेल सम्मिलित श्रृखंला स्थगित गरिएको हो । उडान समस्याका कारण यो श्रृखंला स्थगित गरिएको अफगानिस्तान क्रिकेट संघले जानकारी दिएको छ ।
एसियन च्याम्पियन्स लिगको खेल स्थगित
एएफसी एसियन च्याम्पियन्स लिग एलिटको मार्चको अघिल्लो हप्ताका खेलहरु स्थगित भएका छन् । मध्य पूर्वमा जारी यस प्रतियोगिताको राउन्ड अफ १६ को ४ खेलहरु यूएई र कतारमा खेलिने तालिका रहेको थियो । हाल यी देशहरुमा भएको सुरक्षा चुनौतीका कारण यो खेलहरु स्थगित भएका हुन् । यो प्रतियोगितामा साउदी अरेबिया र इरान पनि सहभागी रहेका थिए । तर अब भने यी खेल स्थगित भएको छ ।
